2014 онд Бээжин рүү нисч яваад сураггүй болсон Малайзын агаарын тээврийн онгоцонд амиа алдсан хүмүүсийн хятад төрөл төрөгсдөд нөхөн олговор олгох тухай нэхэмжлэлийг Хятадын шүүх хэлэлцэнэ гэж мэдэгдлээ.

Ээж нь MH370 нислэгтэй хамт сураггүй болсон Зян Хуй “Weibo” цахим хуудаснаа шүүх хурал арваннэгдүгээр сарын 27-нд эхэлнэ гэсэн мэдэгдлийг хүлээн авснаа бичжээ. Шүүх хурал арванхоёрдугаар сарын дунд хүртэл үргэлжлэх төлөвтэй байна.

"Өнгөрсөн 10 жилийн хугацаанд нэг ч төгрөгийн нөхөн төлбөр аваагүй, уучлалт гуйгаагүй гэр бүлүүдэд Хятадын хууль тогтоомж шударга ёсыг тогтоож чадна гэж найдаж байна" гэж Жиан бичжээ. Нислэгт 239 хүн зорчиж явсны дотор 154 хятад зорчигч байжээ.

Бараг 10 жилийн дараа онгоц болон зорчигчдын хувь заяа нууц хэвээр үлджээ. Янз бүрийн онолууд гарч ирсэн ч Куала Лумпураас Бээжин рүү ниссэн онгоц яагаад анхны чиглэлээсээ өөрчлөгдсөнийг нотлох хангалттай баримт олдсонгүй. Онгоц Энэтхэгийн өмнөд хэсэгт  унасан гэж таамаглаж байна.

Хэрэг тодорхойгүй байгаа тул агаарын тээврийн компани ямар санхүүгийн үүрэг хүлээх нь мөн тодорхойгүй бөгөөд нисэх багийнхны эсрэг ямар нэгэн хариуцлага тооцоогүй байна. Гэвч ойр дотны хүмүүсээсээ хагацаж, санхүүгийн хүндрэлд оруулсан гамшгийн нөхөн төлбөр авахыг хүсч байгаараа ойр дотныхон нь хэлж байна.

Хятадын  хууль эрх зүйн тогтолцоо нь  эрүүгийн хариуцлага хүлээлгэх боломжгүй байсан  ч хууль зүйн болон санхүүгийн шийтгэл оногдуулах өргөн боломжийг олгодог.

Хэргийг Бээжингийн гол Чаоян дүүргийн дунд шатны шүүхээр хэлэлцэхээр төлөвлөж байгаа талаар цахим хуудаснаа мэдээлсэн ч шүүхийн цахим хуудсанд ямар ч мэдээлэл байхгүй байна.

ЭХ СУРВАЛЖ: ASSOCIATED PRESS