Номхон далайн эргийн орнуудын удирдагчид Дэлхийн худалдааны байгууллагыг шинэчлэхэд дэмжлэг үзүүлэхээ амласан ч Баасан гаригт болсон Ази Номхон далайн эдийн засгийн хамтын ажиллагааны чуулга уулзалтын дараа Украин, Газын зурваст болж буй дайны асуудлаар санал зөрөлдөж, хуваагдлаа харуулжээ.

АПЕК-ийн чуулганы үеэр өнгөрсөн Лхагва гаригт  АНУ-ын Ерөнхийлөгч Жо Байден, БНХАУ-ын дарга Ши Жиньпин нар уулзаж, дэлхийн хоёр том эдийн засгийн хурцадмал байдлыг намжаах зорилгоор хэлэлцсэн нь анхаарал татсан.

ОХУ, исламын шашинт Индонез, Малайз зэрэг орнууд багтдаг АПЕК-ийн 21 гишүүн улс Украин дахь Оросын дайн, Газын зурвас дахь Хамас-Израилийн дайны талаар хоёр хуваагдсан уулзалтад оролцсон байна.

АПЕК-ийн энэ жилийн дарга АНУ-ын гаргасан мэдэгдэлд, АПЕК-ийн гишүүн "ихэнх" улс "Украины эсрэг түрэмгийллийг хатуу зэмлэн буруушааж байна" гэж өнгөрсөн жилийн АПЕК-ийн удирдагчдын мэдэгдлийг давтжээ.

Тэрбээр хэлэхдээ, удирдагчид Газын хямралын талаар санал бодлоо солилцсон бөгөөд зарим хүмүүс АПЕК-ийг геополитикийн асуудлыг хэлэлцэх форум гэдэгт итгэхгүй байна гэсэн үндэслэлээр эдийн засгийн асуудлыг хамарсан "Алтан хаалганы тунхаглал"-ын даргын мэдэгдлийг эсэргүүцэж байна" гэв.

АПЕК-ийн зарим удирдагчид арваннэгдүгээр сарын 11-нд Эр-Рияд болсон Араб-Лалын дээд хэмжээний нэгдсэн уулзалтын нэгдсэн мэдээг хуваалцсан гэж даргын мэдэгдэлд дурджээ.

Бруней, Индонези, Малайз улсууд хамтарсан мэдэгдэлдээ, Газын зурваст явуулж буй цэргийн ажиллагааг нэн даруй зогсоохыг шаардсан Эр-Риядын дээд хэмжээний уулзалтын илгээлтийг дэмжжээ.

ЭХ СУРВАЛЖ: REUTERS