Алсын зайн тусгалын 400 ширхэг Томахавк пуужин худалдаж авах Японы хүсэлтийг АНУ Баасан гартгт дэмжив. Энэ нь Хятадтай харилцаагаа хэвийн болгох яриа хэлэлцээний дараа анхаарал татсан худалдан авалт боллоо.

Төрийн департамент 1600 километрийн тусгалтай хоёр төрлийн Томахавк пуужинг багтаасан 2.35 тэрбум ам.долларын өртөгтэй худалдааг зөвшөөрч байна гэж мэдэгдэв.

Төрийн департаментын хэлснээр, “Энэ худалдаа нь "Энэтхэг-Номхон далайн бүс нутагт улс төрийн тогтвортой байдал, эдийн засгийн ахиц дэвшилд хүрэх хүчин болсон холбоотон Японы аюулгүй байдлыг сайжруулах зорилготой” гэв.

Ерөнхий сайд Фумио Кишида өнгөрсөн хоёрдугаар сард парламентын хороон дээр хэлэхдээ, “Засгийн газар нь батлан ​​хамгаалах томоохон зорилтын хүрээнд 400 Томахавк пуужин авахаар зорьж байна” гэсэн юм.

Тайванийг тойрсон цэргийн сургуулилалт, мөн цөмийн зэвсэгтэй Хойд Солонгосын пуужингийн туршилт зэрэг Хятадын цэргийн хүч нэмэгдэж байгаа нь Япон улсыг түгшээж байна.

Хятад улсын дарга Ши Жиньпин саяхан Сан-Францискод болсон Ази Номхон далайн орнуудын дээд хэмжээний уулзалтын үеэр Кишида, АНУ-ын Ерөнхийлөгч Жо Байден нартай тус тус уулзсан байна.

ЭХ СУРВАЛЖ: AFP