Цаг уур орчны шинжилгээний газраас энэ сард цаг агаар эрс хүйтрэхийг сэрэмжлүүлсэн. Энэ долоо хоногийн сүүлээр хүйтний эрч харьцангуй суларсан ч ирэх Мягмар гаригаас дахин хүйтрэх юм байна. Тодруулбал, арваннэгдүгээр сарын 27-ноос ихэнх нутгаар цас орж, цасан шуурга шуурна гэдгийг ЦУОШГ-аас анхаарууллаа.

ЦУОШГ-ын урьдчилан сэргийлэх хэлтсийн дарга Л.ОЮУНЖАРГАЛ:

-21-нээс эхлэн ихэнх нутгаар цас орж, цасан шуурга шуурна. Энэ удаагийн хүйтрэл 14, 15-ны шуурганаас хүчтэй болох байх төлөвтэй байна. Гэхдээ арваннэгдүгээр сарын 3, 4-ний хүйтрэлээс бага байх төлөвтэй. Эрс хүйтрэхээс өмнөх өдрүүдэд дулаарна.

Энэ дулаарал одоо орчихсон байгаа цасан бүрхүүлийн өнгөн хэсгийг хайлмагтуулж, шөнөдөө эргэж хөлдөөд малын бэлчээрлэлтэд хүндрэл учруулахаар нөхцөл байдал бий болгох эрсдэлтэй.

Тиймээс малчид, иргэдэд цаг агаарын мэдээллийг тогтмол хүргэж, зам, даваа хаагдах эрсдэлтэйг анхааруулах нь зүйтэй.