НАТО-гийн ерөнхий нарийн бичгийн дарга Йенс Столтенбергийн бүрэн эрхийн хугацаа өнгөрсөн аравдугаар сард дуусах байсан ч цаг үеийн нөхцөл байдлаас шалтгаалан нэг жилээр сунгасан. Тэгвэл Столтенберг огцорсон нөхцөлд НАТО-г удирдах хүсэлтэй хүн гарч иржээ.

Тодруулбал, Эстонийн Ерөнхий сайд Кажа Каллас Мягмар гаригт НАТО-гийн дээд албан тушаалыг авах сонирхолтой байгаагаа мэдэгдэв.

ОХУ-ын Украин дахь дайн, Хятадын цэрэгжилт болон шинээр гарч ирж буй геополитикийн сорилтуудтай тулгарсан энэ үед хүйтэн дайны үед байгуулагдсан цэргийн эвсэлийг эмэгтэй хүн удирдах санал онцгой анхаарал татаж байна.

"Европт, ялангуяа Эстони зэрэг Балтийн болон Зүүн Европын орнуудын удирдагчдын дунд Украины дайны хүчин чармайлтыг дэмжих АНУ-ын дэмжлэг улам бүр ганхаж байна гэсэн санаа зовнил их байгаа.

Дээр нь Атлантын далайн хоёр эрэгт Украин, Орос хоёр тулалдааны талбарт зогсонги байдалд орж байна гэсэн болгоомжлол улам бүр нэмэгдсэн" зэргийг Кажа Каллас онцолжээ.

Тэрбээр Украин энэ дайнд ялж чадна гэдэгт бүрэн итгэлтэй байгаагаа илэрхийлсэн байна. Кажа Каллас саяхан АНУ-д айлчилж, Жо Байдены засаг захиргааны албаныхан, хууль тогтоогч нартай уулзаж, дэлхийн энх тайван удаан оршин тогтноход АНУ-ын дэмжлэг зайлшгүй шаардлагатай гэдгийг онцолжээ.

ЭХ СУРВАЛЖ: POLITICO