Ерөнхийлөгч Владимир Зеленский  Крымийн татаруудын удирдагч, УИХ-ын гишүүн Мустафа Жемилиевт Украины баатар цол олгож, 80 насных нь ойд баяр хүргэв.

Зеленский мэдэгдэлдээ, "Мустафа Жемилиев өнөөдөр 80 нас хүрчээ. Би түүнд баяр хүргэж, Украины эрх чөлөө, Крымийн татар ард түмнийг хамгаалж байгаад талархаж, Украины баатар цолоор шагнасан. Тэр бол хүчтэй, нэр төртэй, зоригтой хүн. Тэрбээр улс үндэстний эрх чөлөөг хамгаалахын төлөө амьдралаа зориулсан. Би түүнд бид бүгдийн хүсч буй зүйл болох Украины ялалт, манай орны бүх хэсэгт эрх чөлөөг хүсэв. Мөн бид Крымийг чөлөөлөх үйл явцыг ойртуулахын тулд чадах бүхнээ хийж байна" гэжээ.

2014-2019 онд тэрбээр Украины Ерөнхийлөгчийн Крымийн татаруудын асуудал эрхэлсэн комиссараар ажиллаж байсан. 2015 онд Жемилиев Украины Ардын баатар цол хүртэж, 2019 оны долдугаар сард Европын эв нэгдэл намаас парламентын гишүүнээр сонгогджээ.

Жемилиев Крымийг чөлөөлөх дипломат хэлэлцээ, ялангуяа Туркийн эрх баригчидтай хийх, Украины улс төрийн хоригдлуудыг суллах, эзлэгдсэн Крым дахь хүний ​​эрхийн төлөөх тэмцэлд уйгагүй ажилласан. Тэрбээр 2022 онд Нобелийн энх тайвны шагналд нэр дэвшсэн.

ЭХ СУРВАЛЖ: UKRAYINSKA PRAVDA