АНУ-ын Төлөөлөгчдийн танхим Төсвийн санхүүжилт тасалдлын тухай хуулийн төслийг баталснаар засгийн газрын үйл ажиллагааг зогсоохоос зайлсхийж чадсан тухай "CNN" арваннэгдүгээр сарын 14-нд мэдээлэв. Гэвч уг төсөлд маргаан дагуулсан Украин эсвэл Израильд  нэмэлт тусламж үзүүлэх санхүүжилтийг багтаагаагүй байна.

Уг хуулийн төслийг Бүгд найрамдах намын 93, Ардчилсан намын хоёр гишүүн эсэргүүцсэн байна. Засгийн газрын үйл ажиллагааг тасалдуулахаас урьдчилан сэргийлэхийн тулд Сенат энэ Баасан гаригаас өмнө хуулийг батлах шаардлагатай болно. Төлөвлөгөөний дагуу санхүүжилтийг нэгдүгээр сарын 19 хүртэл сунгахаар хуульд заажээ.

Хуулийн төсөл Сенатаар батлагдвал Ерөнхийлөгч Жо Байден Засгийн газрын санхүүжилтийн тухай хуулийн төсөлд гарын үсэг зурахад бэлэн байгаа гэх мэдээлэл байна.