Оросын хар тэнгисийн флот дахь байгууламжуудад Украины армийн талаас тасралтгүй цохилт өгч байгаагаас Москва тэнгисийн баазаа өөр байршилд шилжүүлэхээс аргагүйд хүрчээ.

Гүржийн эзэлсэн газар нутагт болох Абхазад ОХУ тэнгисийн цэргийн бааз барих санаатай байгаагаа зарласан талаар НАТО-гийн Ерөнхий нарийн бичгийн дарга Йенс Столтенберг ярих үеэрээ ингэж мэдэгджээ. Түүнчлэн Столтенберг мэдэгдэлдээ, "НАТО нь Гүржийн нутаг дэвсгэрийн бүрэн бүтэн байдал, бүрэн эрхт байдлыг тууштай дэмждэг" гэдгийг онцолсон байна.  Тэрбээр зорилгодоо хүрэхийн тулд Гүржийн эзэлсэн бүс нутгийг Орос ашиглахыг НАТО хүлээн зөвшөөрөхгүй гэдгийг  дахин сануулжээ.

Түүнчлэн Столтенберг  “Энэ нь Гүржийн бүрэн эрх, нутаг дэвсгэрийн бүрэн бүтэн байдлыг зөрчсөн үйлдэл бөгөөд Орос улс Украин дахь цэргийн зорилгодоо хүрэхийн тулд ямар урт замыг туулах хүсэлтэй байгааг харуулж байна. Мөн украинчууд Крым дахь тэнгисийн цэргийн байгууламжид амжилттай довтолж, Оросыг өөр хувилбар хайхад хүргэж байгааг харуулж байна. Энэ бол Украины Оросын тэнгисийн цэргийн хүчийг сорьсон амжилтын нотолгоо” гэж мэдэгдэв.

Украины  хуурай газрын армийн өнгөрсөн арваннэгдүгээр сарын эхээр Крымд нисгэгчгүй онгоцнуудыг ашиглан Оросын хоёр жижиг десантын хөлөг онгоцыг устгасан гэж Украины тагнуулын газар  мэдээлсэн.

ЭХ СУРВАЛЖ: THE NEW VOICE OF UKRAINE