Монгол Улсын Өмнөговь аймгийн Гашуунсухайт боомт-БНХАУ-ын Ганц мод боомтын чиглэлд зорчигч тээвэр дахин нээгдлээ.

Өчигдөр буюу 2023 оны арваннэгдүгээр сарын 13-ны өдөр туршилтын тээвэр хийгдэж Хятад талд нээлтийн үйл ажиллагаа болжээ. Өнөөдрөөс зорчигч тээврийн үйл ажиллагаа хэвийн явагдах юм.

Зорчигч тээврийн автобус өдөр бүр 07:50, 10:00, 13:50, 15:30 цагт хоёр талын боомтоос хөдөлнө.

Тасалбарын хувьд Монголын талаас 25 000 төгрөг, хүүхэд 12 500 төгрөгөөр зорчих бол Хятадын талаас нэвтрэх тасалбар том хүн 50 юань, хүүхэд 25 юань байх аж.