Газын зурвас дахь Аль-Рантиси эмнэлэгт 1000 орчим хүнийг гаргахгүй хориж байсан Хамасын командлагч Ахмед Сиамыг Израилийн хүчин Бямба гаригт хөнөөжээ. Тодруулбал, Израилийн арми Газын зурвасын иргэдийг өмнө зүгт дүрвэхийг зөвлөж буй ч 1000 орчим хүн Аль-Рантиси эмнэлэгээс гарч чадахгүй хоригдсон байсан.

Ахмед Сиам нь Хамасын аль-Фуркан бригадын командлагч юм.

Израилийн Шин Бет тагнуулын агентлагтай хамтарсан ажиллагааны хүрээнд Сиам тэргүүтэй террористуудыг сургуулийн байранд нуугдаж байхад нь олж, устгажээ. "Хамас бүлгийнхэн Газын зурвасын энгийн иргэдийг террорист зорилгоор амьд бамбай болгон ашиглаж байгааг Ахмед Сиам батлан харууллаа" гэж Израилийн Батлан хамгаалах хүчин мэдэгдэв.

Түүнчлэн Газын зурвас дахь хамгийн том эмнэлэг Аль-Шифагийн эргэн тойронд мөргөлдөөн ширүүсч буй. Учир нь Хамасын удирдлагын төв уг эмнэлгийн доор хонгилд байгаа гэх мэдээлэл гарчээ. Аль-Шифа эмнэлэгт цахилгааны хомсдолын улмаас дор хаяж хоёр хүн нас баржээ. Мөн 40 гаруй нярай эрсдэлтэй нөхцөл байдалд байна. Израилийн хүчин Аль-Шифа эмнэлгээс нярай хүүхдүүдийг нүүлгэн шилжүүлэхэд анхаарал хандуулна гэж мэдэгджээ.

Хамас бүлгийнхэн энгийн иргэдээр дүүрсэн эмнэлгийг өөрсдийнхөө цайз болгон ашиглаж байна гэж Израиль буруутгасан. Тодруулбал, Хамасын удирдагчид түргэн тусламжийн машинаар өнгөлөн далдлалт хийж, нааш цааш зорчих болжээ.

Эх сурвалж: THE TELEGRAPH