Украины Гадаад хэргийн сайд асан Павло Климкин арваннэгдүгээр сарын 9-ний өдөр "Radio NV"-д өгсөн ярилцлагадаа, ОХУ, Хойд Солонгосын найрамдалт харилцаа хэт дотносож байгаад Хятад улс санаа зовж байна гэж ярьжээ. "Одоо Ким Жон Унтай хамтран ажиллах Оросын төлөвлөгөө нь үндсэндээ Пёньяныг голчлон хяналтандаа байлгаж байсан хятадуудыг хүртэл түгшээж эхэлсэн гэсэн сэтгэгдэл надад төрж байна. Энэ хяналт, Путины шантаажны бүх хувилбараар тэдний гараас мултарч магадгүй юм. Тэгэхээр энэ нь хятадуудад ч бас асуудал болж байна. Украин болон барууны орнууд энэ хүчин зүйлийг ирээдүйн төлөвлөгөөндөө ашиглаж болно" гэж тэрбээр тайлбарлав.

АНУ-ын Төрийн нарийн бичгийн дарга Антони Блинкен арваннэгдүгээр сарын 9-нд Сөүлд болсон хэвлэлийн бага хурлын үеэр хэлэхдээ, БНАСАУ-аас Украины эсрэг Оросоос дайтах цэргийн техник нийлүүлсний хариуд Пёньян баллистик пуужингийн хөтөлбөр, цөмийн технологи, сансрын хүчин чадлаараа дэмжлэг авч болно. АНУ болон түүний холбоотнууд эдгээр хүчин чармайлтыг тодорхойлж, эсэргүүцэхээр ажиллаж байна гэж Блинкен мэдэгдсэн.

БНАСАУ-ын удирдагч Ким Жон Ун өнгөрсөн есдүгээр сард  Орост айлчилж, Владимир Путинтэй уулзахдаа, "Украины эсрэг явуулж буй Оросын дайныг “ариун тэмцэл” гэж нэрлэсэн юм. "Хойд Солонгос сүүлийн долоо хоногт Орос руу 1000 хүртэлх чингэлэг "тоног төхөөрөмж, зэвсэг" тээвэрлэсэн" гэж Цагаан ордон  өнгөрсөн аравдугаар сард мэдэгдсэн. Үүний зэрэгцээ “Вашингтон Пост” сонин хиймэл дагуулаас авсан зургуудыг нийтэлсэн бөгөөд Оросын хөлөг онгоцууд сүүлийн хоёр сарын хугацаанд Хойд Солонгосоос удаа дараа ачаа авч, Оросын цэргийн боомтод хүргэжээ. Их Британийн долоо хоног тутмын "Экономист" сэтгүүлд бичсэнээр, Пёньянаас Москва руу их бууны сум болон Катюша пуужингаа шилжүүлж байна.

Үүнээс гадна өнгөрсөн наймдугаар сараас хойш БНАСАУ нь Орос руу нэг сая гаруй их бууны сум илгээсэн гэж Өмнөд Солонгос мэдээлжээ. Украины Батлан ​​хамгаалахын тагнуулын албанаас Орос, Хойд Солонгосын хооронд их бууны сум нийлүүлэх тухай хэлэлцээрийг баталгаажуулсан ч шилжүүлсэн зэвсгийн тоог тодорхой заагаагүй байна. Блүүмберг агентлагийн мэдээлснээр, Хойд Солонгосоос Орост 10 орчим зэвсэг нийлүүлсэн байна. Эдгээр нөөц нь Оросын хоёр сарын дайны хүчин чармайлтыг дэмжиж чадна.

ЭХ СУРВАЛЖ: THE NEW VOICE OF UKRAINE