АНУ-ын Ерөнхийлөгч Байден арваннэгдүгээр сард Сан-Франциско хотод болох Номхон далайн эдийн засгийн дээд хэмжээний уулзалтын үеэр БНХАУ-ын Ерөнхий сайд Ши Жиньпинтэй уулзахаар төлөвлөж байна гэж Цагаан ордон мэдэгдэв. Ерөнхийлөгч болон дэлхийн хоёр дахь том эдийн засгийн удирдагчийн удирдагч нар Ази, Номхон далайн эдийн засгийн хамтын ажиллагааны дээд хэмжээний уулзалтын хүрээнд уулзах төлөвтэй байна.

Байден, Ши Жиньпин нарын уулзалтаас  дэлхий нийт ямар нэгэн ахиц дэвшил эсвэл бодлогын эрс өөрчлөлт гарна гэж хүлээх хэрэггүй гэж Цагаан ордон мэдэгдэв. Цагаан ордны хэвлэлийн нарийн бичгийн дарга Карин Жан-Пьер мэдэгдэлдээ, "Хятадтай хэрхэн харилцах бидний бодлого өөрчлөгдөөгүй. Хүчтэй өрсөлдөөн гэдэг нь эрчимтэй дипломат ажиллагаа гэсэн үг" гэсэн байна.

Уулзалтын тов гараагүй боловч АПЕК-ийн чуулган арваннэгдүгээр сарын 11-17-ны өдрүүдэд болно.

Украины дайн, Израилийн мөргөлдөөн, Тайванийг тойрсон хурцадмал байдал нэмэгдсэн энэ үед дэлхийн өрсөлдөгч гүрнүүд  харилцаагаа тогтворжуулахыг эрмэлзэж байна.

Үүнээс хэдхэн хоногийн өмнө Байден Цагаан ордонд Хятадын Гадаад хэргийн сайд Ван Итэй уулзсан юм.

Байден, Ши Жиньпин нар хамгийн сүүлд 2022 оны арваннэгдүгээр сард Индонезийн Бали аралд болсон Их-20-ийн дээд хэмжээний уулзалтын үеэр уулзсан. Гэхдээ Байден өнгөрсөн сард Энэтхэгийн Шинэ Дели хотноо болсон “Их 20”-ийн дээд хэмжээний уулзалтад Хятадын удирдагч оролцоогүйд сэтгэл дундуур байгаагаа илэрхийлэв.

ЭХ СУРВАЛЖ: NEW YORK DAILY NEWS