АНУ-аас Израильд нийлүүлсэн зэвсгийн ашиглалтад ямар ч хязгаарлалт тавихгүй гэж Пентагон мэдэгдлээ. Тодруулбал, Пентагоны хэвлэлийн нарийн бичгийн даргын орлогч Сабрина Синг хэлэхдээ "Манай нийлүүлсэн зэвсгийг Израиль яаж хэрэглэж байгаад бид хязгаарлалт тавихгүй. Энэ нь Израилийн Батлан хамгаалах хүчин ажиллагаагаа хэрхэн явуулахаас л хамаарна" гэжээ.

Израиль улс нь АНУ-ын аливаа тусламжийн хамгийн том хүлээн авагч юм. Тиймээс аравдугаар сарын 7-нд мөргөлдөөн эхэлснээс хойш АНУ-аас Израильд тууштай дэмжлэг үзүүлсээр иржээ. Тусламжийн хүрээнд "Iron Dome" агаарын довтолгооноос хамгаалах системийн саатуулагч, нарийн удирдлагатай сумыг Израиль хүлээж авсан байна.

Газын зурваст хоёр сая гаруй хүн амьдардаг. Эдний олонх нь байлдааны бүсэд гацсан байдалтай байна. Палестинчуудыг амьд бамбай болгож, барьцааны хүмүүсийг ашиглан Израилийн довтолгоог зогсоохыг оролдсон гэж АНУ болон Израиль үзэж байна. 

Дашрамд дурдахад, Израилийн Батлан ​​хамгаалах хүчин Ливан дахь Хезболла бүлэглэлийн дэд бүтцэд агаарын цохилт өгсөн тухай өнөөдөр /2023.10.31/ мэдэгдлээ. 

Эх сурвалж: BUSINESS INSIDER