Монголын боксын холбооны зүгээс спортын сайд Б.Бат-Эрдэнэ, Монголын үндэсний допингийн эсрэг байгууллагын шинэхэн тэргүүн Ц.Уугангэрэл нарт хандан мэдэгдэл гаргажээ. Спортын сайд Б.Бат-Эрдэнийн тухайд тамирчнаас нь допинг илэрсэн боксын холбооны санхүүжилтыг зогсооно гэсэн бол Ц.Уугангэрэл Б.Чинзоригийг допинг хэрэглэсэн нь үнэн гэж ярьсан билээ.

Тэгвэл боксын холбооноос дээрх мэдэгдлийг хэт улс төржсөн гэж тодотгон арбитрын ажиллагаанд сөргөөр нөлөөлж болохуйц үйлдэл гэжээ. Боксын холбооноос Б.Чинзоригийн асуудалтай холбогдуулан олон улсын арбитрын шүүхэд хандана гэсэн юм.