3,381.12
Засгийн газраас УИХ-д өргөн мэдүүлсэн Монгол Улсын 2024 оны төсвийн төсөлд тэтгэвэрт зориулж 880 тэрбум төгрөг суулгажээ. УИХ-аас баталсан Нийгмийн даатгалын багц хуульд инфляцтай уялдуулж, тэтгэврийг нэмэх заалт туссан тул Засгийн газар ирэх оны дөрөвдүгээр сарын 1-нд ахмад настны тэтгэврийг нэмэх бодлого барьж буй юм.
Засгийн газар өнгөрсөн долдугаар сарын 1-нд ахмад настны тэтгэврийг нэмсэн ч дийлэнх нь өнөөдөр 550 мянган төгрөгийн тэтгэвэр авч байгаа. Иймээс ирэх жил тэтгэврийг хэдэн хувиар нэмэгдүүлэх вэ гэдэг нь хамгийн их анхаарал татаж буй. Ахмадуудын хувьд “Тэтгэврийг их, бага авдагаас нь үл хамаарч бүгдийг 10 хувиар нэмэгдүүлбэл бага тэтгэвэртэй нь чирэгдэнэ. Иймээс бага тэтгэвэр авдаг ахмадуудын тэтгэврийг арай ахиу нэмэх шаардлагатай” гэдэг асуудлыг хөндөх болсон.
Одоогоор УИХ Монгол Улсын 2024 оны төсвийн төслийг хэлэлцэж эхлээгүй байгаа. Засгийн газрын хувьд УИХ-аар ирэх оны төсвөө хэлэлцүүлэхдээ тэтгэвэрт зарцуулахаар суулгасан 880 тэрбум төгрөгөө тануулчихалгүй батлуулж чадвал уг төсөв дотроо зохицуулалт хийх юм байна. Тодруулбал, бага тэтгэвэр авдаг ахмадуудын тэтгэврийг арай ахиу нэмэх үү, аль эсвэл адил тэгш 10 хувиар өсгөх үү гэдгээ тухайн үед нь шийдэх аж. УИХ-аар Монгол Улсын 2024 оны төсвийн төслийг хэлэлцэж эхлэхэд тэтгэврийн асуудлаар дэлгэрэнгүй тайлбар хийнэ гэдгээ Сангийн сайд Б.Жавхлан мэдэгдээд байна.
Г.ХОРОЛ
Нэргүй 2023-10-19 66.181.191.97
БҮХ АХМАДУУДЫН ТЭТГЭВРИЙГ 50 ХУВЬ НЭМЭХ Х.ТЭЙ.
Нэргүй 2023-10-19 103.212.118.198
Тэтгэврийг нэмэгдүүлнэ гэдэг нь үнийн өсөлтийг л давах асуудал гэсэн үг. Бага, их тэтгэвэр гэдэгтэй ямар ч холбоогүй
Нагийл 2023-10-19 202.126.89.231
Тэтгэврийг жигд болгож нэмэгдүүлэх гэдэг хамгийн утгагүй зүйл шүү. Хүн болгон өөр өөр ажил эрхэлж өөр өөр цалин авч ажиллаж байсан жил их бага ,төлсөн НД шимтгэл нь хүртэл их бага байдаг . Инфляцийн төвшинг бодож нэмэх нь зөв шүү.
.
Нэргүй 2023-10-19 103.10.21.9
тултал нь нэмээд өгөөч ээ .чадахгүй бол зайл аа
Нэргүй 2023-10-19 213.87.135.37
Харуулах боломжгүй.
Ажиллаж байсан хүн 2023-10-19 139.5.218.57
Тэтгэврийг адилхан тэгш нэмнэ гэдэг буруу шүү. Хүн ажил хөдөлмөр хийснээрээ тэтгэврээ тогтоолгосон байгаа. Бага хөдөлмөрлөсөн бол бага л тогтсон. Харин ганц зөв зохицуулалт нь инфляцийн түвшинтэй уялдуулж нэмэх хэрэгтэй
Нэргүй 2023-10-19 103.212.119.57
boognorson har barilga bariach.
иргэн. 2023-10-19 139.5.216.253
хуулийн хэрэгжилт 01-сарын 1-нээс эхлэнэ. хуулин дээр 01 сарын 01-нээс тэтгэврийг инфляцтэй уялдуулан нэмэнэ гэж заасан байх юм. тэгсэн мөртлөө 04 сарын 01 нээс нэмнэ гэх.
Нэргүй 2023-10-19 103.57.94.34
албаар сонгууль дөхүүлж нэмж байгаа юм. Эрт нэмчихвэл хөгшчүүд мартаж нөгөө намд саналаа өгчихнө
зочин 2023-10-19 202.131.245.69
ЗГ-аас тэтгэврийг өнөөгийн цалинтай дүйцүүлж нэмсэн тул тэтгэвэрийг жигд нэмэгдүүлэх хэрэгтэй. Түүнээс багыг их тэтгэвэртэй адилхан болгох нь маш буруу. ажил мэргэжил, албан тушаалаас үл шалтгаалж бүх цалинг адилхан болгохтой адил. бага цалинтай ачаалал бага ажил хийж байсан эсвэл ажил хийж байгаагүй хүний тэтгэвэр л бага байгаа. Асуудлыг хэт ерөнхийлж мугуйдаар шийдэж болохгүй. Өндөр цалинтай байсан бол тэтгэвэр нь өндөр байх ёстой. Харин бага тэтгэвэр нь ганцаараа амьдрахад хүрдэг байх ёстой.