Боловсрол, шинжлэх ухааны яамнаас их дээд сургуулийн үндэсний эрэмбэ чансааг энэ долоо хоногт зарласан. Ингэхдээ олон улсад нэр хүндтэй "Times Higher Education" байгууллага болон Боловсролын үнэлгээний төв, Боловсролын чанарын судалгааны хүрээлэнтэй хамтарсан юм. Монголд энэ эрэмбээр сургалтын гүйцэтгэлээрээ 60-аас дээш хувийг хангаж байгаа 18-хан их сургууль бий. Харин 50-иас дээш хувийг хангаж байгаа их сургууль 30 орчим байна. Өнөөдрийн эрэмбэ чансаагаа зарлаж байгаа 61 их сургуулийн 50-иас дээш хувь нь сургалтын чанарт хүрч чадаагүй гэнэ.

Эрэмбээр эхний 20-д жагссан их сургуулийг үлдээж, хойш жагссан бол дээд боловсролын сургалтын үйл ажиллагааг ирэх 2024 оноос зогсооно. Урьдчилсан эрэмбэ чансааг танилцуулбал,

1. Монгол Улсын их сургууль
2. Анагаах шинжлэх ухааны үндэсний их сургууль
3. Шинжлэх ухаан, технологийн их сургууль
4. МУБИС
5. ХААИС
6. Монгол-Германы хамтарсан Ашигт малтмалын технологийн их сургууль
7. СЭЗИС
8. Отгонтэнгэр их сургууль
9. Моносын Эм зүйн шинжлэх ухааны их сургууль
10. СУИС

Тэгвэл олон улсад Монголын их дээд сургуулиудын ямар чансаатай, хэддүгээрт эрэмблэгдэж байна вэ?

Боловсрол, шинжлэх ухааны сайд Л.Энх-Амгалангийн хэлсэн дэлхийн их дээд сургуулиудын эрэмбэ чансааг зарладаг "Times Higher Education" байгууллагын жагсаалтад Монголоос аль ч сургууль одоогоор эрэмбэлэгдээгүй байна. Харин бусад байгууллагууд дараах байдлаар дүгнэжээ.

МОНГОЛ ДАХЬ ИХ ДЭЭД СУРГУУЛИУДЫН 2023 ОНЫ ЧАНСАА

1. МУИС

2. ШУТИС

3. АШУҮИС

4. Ховд их сургууль

Мөн "ad scientific index" байгууллагын зүгээс 2024 оны Монголын их дээд сургуулийн чансааг дараах байдлаар гаргажээ.

1. МУИС

• Монголд #1
• Азид #2531
• Олон улсад #7206

2. АШУҮИС

• Монголд #3
• Азид #3428
• Олон улсад #9276

3. ХААИС

• Монголд #4
• Азид #3729
• Олон улсад #9932

4. ШУТИС

• Монголд #5
• Азид #4040
• Олон улсад #10622

5. Улаанбаатар их сургууль

• Монголд #6
• Азид #4867
• Олон улсад #12193

6. Хүмүүнлэгийн ухааны их сургууль

• Монголд #8
• Азид #6456
• Олон улсад #15195

7. Монгол-Германы хамтарсан Ашигт малтмалын технологийн их сургууль

• Монголд #9
• Азид #7301
• Олон улсад #16634

8. Ховд их сургууль

• Монголд #10
• Азид #8231
• Олон улсад #18006

Дээрх байгууллагуудын чансааг олон улсад голчлон анхаардаггүй бөгөөд "QS", "Shanghai Ranking" болон "Times Higher Education" байгууллагуудын гаргадаг чансаагаар дэлхийн их дээд сургуулиуд өөрсдийгөө дүгнэдэг гэдгийг онцлох хэрэгтэй. Ямартай ч дотооддоо чансаагаа гаргадаг болсон тул удахгүй томоохон олон улсын байгууллагууд харьцуулалт хийж эхлэх биз.