Засгийн газрын ээлжит /2023.10.18/ хуралдаан эхэллээ. Хуралдаанаар, Эрүүгийн хэрэг хянан шийдвэрлэх тухай хуульд нэмэлт, өөрчлөлт оруулах тухай хуулийн төсөл, Иргэний хэрэг шүүхэд хянан шийдвэрлэх тухай хуульд нэмэлт, өөрчлөлт оруулах тухай хуулийн төсөл, Нийслэл Улаанбаатар хотын түгжрэлийг бууруулах багц хуулийн төслийн талаар зэрэг 23 асуудал хэлэлцэх болон танилцахаар төлөвлөөд байна.

Эргэн сануулбал, өнгөрөгч долоо хоногийн хуралдаанаар бага насны хүүхдийн эсрэг гэмт хэрэгт ялын бодлогыг чангатгах хуулийн өөрчлөлтүүдийг оруулж ирсэн. Үүнийг Хууль зүйн сайд Б.Энхбаяр танилцуулж, хүүхэд хамгааллын тухай хуулийн шинэчилсэн найруулгыг хэлэлцэхээр болж буйг мэдээлсэн. Мөн өвөлжилтийн бэлтгэл ажлыг хангах үүргийг Эрчим хүчний сайд Б.Чойжилсүрэнд үүрэг болгосон талаар бид мэдээлсэн.

Өнөөдрийн хуралдаанаас гарсан шийдвэрийг эргэн мэдээлнэ.