Ирэх 2024 оны Парисын зуны олимпод Азийн наадмын хүрэл медальт С.Жамбалжамц оролцохоор эрхээ авчээ. Түүний олимпийн эрх өнөөдөр/2023.10.17/ албан ёсоор баталгаажих гэнэ. Олон улсын дугуйн холбооноос Парисын зуны олимпийн наадмын эрхийн оноо олгох тэмцээнүүдийг 2022 оны аравдугаар сарын 19-нөөс 2023 оны аравдугаар сарын 17-ны хооронд зохион байгуулжээ. Олимпийн эрхийн оноо олгох тэмцээн дуусгавар болсон тул С.Жамбалжамц 1367 оноотойгоор 29 дүгээр байрт жагссан үзүүлэлтээр “Парис-2024” олимпийн засмал замд уралдах шилдэг 95 дугуйчны нэг болов гэж Биеийн тамир, спортын улсын хорооноос мэдээллээ.
С.Жамбалжамц нь Азийн наадмын хүрэл медалиас гадна Азийн аваргын элит ангиллын мөнгө, хүрэл медальтай мэргэжлийн дугуйн спортын Монголын шилдэг тамирчдын нэг билээ.
Онцолж хэлэхэд, С.Жамбалжамц нь Ази тивийн чансааны хоёрдугаар байрт бичигдэж байгаа бөгөөд олимпийн наадамд эрх авч хурд хүчээ сойх Монголын анхны дугуйчин болж байна. Үүнээс өмнө Монголын дугуйчид “Токио-1964”, “Москва-1980”, “Барселон-1992”, “Атланта-1996” олимпын наадмуудад эрхээ авч бус хүсэлт болон цагаан хуудсаар оролцож байсан аж.
зочин 2023-10-17 202.55.191.194
bayar hurgie
Za 2023-10-17 95.115.32.24
Amjilt yuruuye!!!
Нэргүй 2023-10-17 213.87.154.164
!!!!!! Халуун охид таныг хүлээж байна – – – – – https://tinyurl.com/y9p4r96k
Нэргүй 2023-10-17 139.5.216.32
азийн наадамд медаль хүртэж дугуйн холбооны нэр хүндийг өндөрт өргөлөө олимпид бөөн гараатайд уралдах нь
Нэргүй 2023-10-17 139.5.219.10
Мундаг
Зочин 2023-10-17 202.126.90.42
Дугуйн спорт асар хүнд тэгээд хүчирхэг мэрэгшсэн хүмүүстэй өрсөлдөх амжилт гаргахад туйлын хэцүү спорт санагддаг. Гэтэл шантралгүй тэмцэж амжилт гаргаж байгаа мундаг хүү байна.Амжилтыг нь сайжруулахад улсаас бүх талаар дэмж.
Нэргүй 2023-10-17 202.21.108.39
Гавьяат өгчих хэрэгтэй энэ хүүд гайхалтай
Нэргүй 2023-10-17 59.153.87.42
сайн хүү