Улаанбаатар хотын Ерөнхий менежер, хот нийтийн аж ахуйн байгууллагуудын төлөөлөлтэй Наадамчдын зам дагуу ажиллалаа. Гудамжны болон ногоон байгууламжийн цэвэрлэгээ, хог тээвэрлэлт хэвийн байгаа ч авто зам замын байгууламж дагуух нийтийн эзэмшлийн эд хөрөнгө ихээр дайрагдаж эвдэрсэн, явган болон дугуйтай зорчигчийн хөдөлгөөнд саад учруулахуйц шон, рекламны байгууламжууд хөдөлгөөнд саад учруулж, хонхойж суулт өгсөн явган замууд багагүй байх тул мэргэжлийн байгууллагуудад анхаарч аюулгүй байдлыг хангаж ажиллахыг үүрэг болголоо. Согтуугаар дайрсан, эзэн холбогдогч нь олдоогүйгээс нөхөн хийгээгүй 20 орчим гэрэлтүүлгийн шон байгааг нөхөх, автобусны буудлуудын хогийн сав суллах давтамжийг нэмэгдүүлэх, чийгтэй цэвэрлэгээг 7 хоногт 1-ээс доошгүй удаа хийж тоосжилтыг багасгах, авто зам сэтэлж сүвлэсний мөрөөр нөхөн сэргээлт хангалтгүй хийж, замын урд талдаа эвдрэл их байгаа тул ирэх жил засварлахыг албаныханд даалгав. Түүнчлэн "Нэг байгууллага асуудлаа шийдээд гудамж цэгцрэхгүй, байгууллагууд хамтраад цогцоороо асуудлуудаа шийдэж байж хотын гудамж өнгө засна" гэдгийг энэ үеэр онцлоод холбогдох албаныханд арга хэмжээ авахыг үүрэгдлээ.