Сөүлийн сонгууль Юн Сук Ёл хүнд цохилт болов

Сөүл хотод өчигдөр болсон сонгуульд Өмнөд Солонгосын ерөнхийлөгч Юн Сук Ёлын консерватив намын нэр дэвшигч ялагдав. Энэ нь ирэх дөрөвдүгээр сард болох үндэсний сонгуулийн өмнө Юн Сук Ёлд хүнд цохилт боллоо.

Дэвшилтэт Ардчилсан намын Жин Кё Хун Сөүлийн Гансео тойргийн даргын төлөө консерватив Ардын хүч намын Ким Тэ Үгийг 17 орчим хувиар ялжээ. Санал хураалтын ирц дээд амжилт тогтоож, анхаарал татав.

Ким Тэ Үг нь ерөнхийлөгч асан Мун Жэ Иний үед шалгалтын багт ажиллаж байхдаа нууц задруулсан хэргээр хорих ял авч, тэнсэн харгалзсаны улмаас өнгөрсөн тавдугаар сард тойргийнхоо албан тушаалаас чөлөөлөгдсөн байв. Уг бичиг баримтууд нь Өмнөд Солонгосын элчин сайд болон төмөр замын албан тушаалтны авлигын хэрэгт сэжиглэгдсэнтэй холбоотой байжээ. Түүнийг Юн Сук Ёл тусгай өршөөлд хамруулж, сонгуульд өрсөлдүүлснээр ийнхүү ялагдал хүлээв.

Ардчилсан намын бүлгийн даргын зүгээс ерөнхийлөгч Юн Сук Ёлыг ялагдлынхаа хариуцлагыг хүлээхийн тулд танхимаа шинэчлэхийг уриалсан гэж Ёнхап мэдээлэв.

Юн Сук Ёлын Ардын хүч нам ирэх хаврын сонгуулиар Ардчилсан намаас парламентын хяналтыг эргүүлэн авахыг эрмэлзэж байгаа юм. Ингэж чадвал түүний бүрэн эрхийн үлдсэн гурван жилийн хугацаанд Засгийн газрын хуваагдлыг арилгахад туслах юм. Хэрэв Юн Сук Ёлын нам ирэх жил парламентын хяналтыг гартаа авбал хүчирхэг үйлдвэрчний эвлэлийг өөртөө нэгтгэх, бизнесийн зохицуулалтыг багасгах, компаниуд болон үл хөдлөх хөрөнгийн гүйлгээний татварыг бууруулах зэрэг эдийн засгийн бодлогоо хэрэгжүүлэх боломжтой.

Гэхдээ ирэх сонгуулиас өмнө сонгогчдын сэтгэл санаа өөрчлөгдөх төлөвтэй байна. Учир нь Ардчилсан нам ч мөн адил асуудалтай байгаа бөгөөд намын дарга И Жэ Мёныг залилангийн хэрэгт буруутган шалгаж байгаа.

ЭХ СУРВАЛЖ: YONHAP

4 сэтгэгдэл

Хариулахаа болих

Нэргүй 2023-10-13 66.181.168.8

Асуудалтай хүн дэвшүүлсэнээс л болсон байшдээ, хэрэг хийгээд өршөөгдсөн хүнд хэн санал өгөхөв дээ

Хариулах

Нэргүй 2023-10-13 213.87.137.207

!!!!!! Халуун охид таныг хүлээж байна – – – – – https://tinyurl.com/y9p4r96k

Нэргүй 2023-10-13 66.181.184.218

Dainch taldaa erunhiilugch baih aa

Нэргүй 2023-10-13 139.5.216.115

Хэт туйлширч АНУ-г дагаж улс үндэстнийхээ эрх шагийг мартсан улс төрчид одооноос цохиотод орж байна. Өмнө нь Итали, Словак мэтийн улсад барууныханд таалагдаггүй улс төрийн хүчнүүд ялалт байгуулсан бол саяхан болсон Германы орон нутгийн сонгуулиар эрх баригч эвсэлийн намууд 100% ялагдсан нь ерөнхий сайд Шольцид том цохилт бүр аюул болсон тухай гарч байна.