Жижи, Купер нар болзов

Супер модель Жижи Хадид, Холливудын жүжигчин Брэдли Купер нар Нью-Йорк хотноо нэг ч биш бүр хоёр удаа болзсон нь папараццийн дуранд өртжээ. Тодруулбал, тэд аравдугаар сарын 8-нд Куперийн "Mercedes-Benz G-Class" автомашинаар "зугаалж" яваад "баригдсан" аж. Үүнээс гурав хоногийн өмнө тэд Нью-Йорк хотын баруун хэсэгт байрлах итали ресторанд хооллосны дараа хамтдаа гарч яваа нь харагджээ.

Өдгөө 28 настай Жижигийн хувьд өөрөөсөө 20 насаар ах Купертэй ижил хүрээлэлтэй бөгөөд энэ жилийн Мет галад хоёулаа оролцсон. Тэрбээр өнгөрсөн жил жүжигчин Леонардо ДиКаприотой нэлээд олон удаа нэр холбогдсон. Жижи экс найз залуу Зейн Маликаас гурван настай хүүтэй.

Куперийн хувьд супер модель Ирина Шейктэй 2015-2019 оны хооронд болзсон бөгөөд тэд зургаан настай охинтой.