Украины хойд хэсгийн Бахмутад ОХУ боломжит бүх нөөц цэргээ байрлуулсныг Киевийн Зэвсэгт хүчний хэвлэлийн төлөөлөгч хэлэв. "Яг одоо байлдааны ажиллагаа ширүүн үргэлжилж байна. Дайсан бидний сөрөг довтолгоог ахуилахгүйн тулд Бахмут чиглэлд цэргүүдээ байршуулсаар байна. Энэ хэсгийн хяналтыг алдах нь тэдэнд их хэмжээний сөрөг үр дагавар авчрахыг тэд ойлгож байгаа тул бүх нөөц бололцоогоо ашиглаж байна" гэж зүүн фронтын хэвлэлийн төлөөлөгч Илья Евлаш хэллээ.

АНУ-ын Дайны судалгааны хүрээлэн өнгөрсөн сард Бахмут дахь Оросын хүчин маш их хохирол амсаад буйг мэдээлсэн. Энэ нь Бахмутад ОХУ нөөц байршуулах шаардлагатай байгааг харуулна.

Сүүлийн 24 цагийн хугацаанд Оросын арми фронтын шугамын Купянск-Лыман чиглэлд 774 удаа цохилт өгсөн гэдгийг мөн Илья Евлаш мэдэгдэв. Энэ нь урьд өмнө байгаагүй рекорд тоонуудын нэг юм. 774 удаагийн цохилтод довтолгооны нисгэгчгүй онгоц, миномёт, танкийн их буу, пуужин, жижиг зэвсэг зэрэг боломжит бүх зэвсгийг тоолсон. Харьков мужийн Купянск хотоос зүүн хойд зүгт найман километрт орших Сынькивка тосгонд Оросын арми Украины хамгаалалтын сэтлэхийг оролдож байна. Энд ложистикийн хувьд нэн чухал төмөр зам байрладаг. 

Эх сурвалж: KYIV INDEPENDENT