Хан-Уул дүүргийн нутаг дэвсгэр Зайсангийн замд өнөөдөр /2023.10.06/ 11:30 цагийн үед зам тээврийн осол гарч нэг машин онхолдож, олон тооны машин мөргөлдсөн осол гарсан байна. Тодруулбал, Зайсангийн  Соёмботой уулын хажуугийн замд осол гарч гурван машин мөргөлдсөн бөгөөд нэг машин онхолджээ.

Урьдчилсан байдлаар хурд хэтрүүлснээс осол гарсан байж болзошгүй бөгөөд ослын газар Тээврийн цагдаагийн алба хэмжилт, үзлэг хийж байгаа аж.

Жолооч болон зорчигчдын биеийн байдал, ослын шалтгааны талаар Тээврийн цагдаагийн албанаас тодрууллаа.

ТЦА-наас өгсөн мэдээллээр "Ослын газар хэмжилт үзлэг хийж байна. Урьдчилсан дүгнэлт гараагүй байгаа учир хэмжилтийн дараа тодруулан дэлгэрэнгүй мэдээлэл өгнө" гэлээ.

Албан бус эх сурвалжийн хэлж байгаагаар онхолдсон машинд зөвхөн жолооч байсан бөгөөд яаралтай түргэн тусламж ирж, авч явсан гэв.