Ханжоугийн Азийн наадам монголчуудын хувьд алтан медальгүй хэдий ч ололт амжилт арвин, ярих зүйл ихтэй өрнөж байна. Өчигдөр л гэхэд Монгол Улс түүхэндээ анх удаагаа Азийн наадмын багийн спортын төрлөөс мөнгө, хүрэл медаль хүртээд зогсохгүй дахин нэг мөнгөн медалийн болзол хангалаа.
Монголын 3х3 сагсан бөмбөгийн эмэгтэй, эрэгтэй багууд хагас шигшээ шалгарч, Монголын медалийн тоог ахиулах боломж гарч ирсэн. Зорилгоо ч хангалттай биелүүлсэн. Эмэгтэй шигшээ баг хагас шигшээд Тайванийн эсрэг учраа таарсан. Ширүүхэн өрсөлдөөний эцэст цаг дуусахтай зэрэгцэн Ц.Болорцэцэг алдаа авч, хоёр шидэлт хийх эрхтэй болов. Улмаар Ц.Болорцэцэг эхний шидэлтээ амжилттай болгосноор эмэгтэй шигшээ баг алтан медалийн төлөө тоглохоор болсон юм. Шигшээд тэд талбайн эзэн орон Хятадын багтай өрсөлдөж, 12-21 гэсэн харьцаатай дийлдсэн. Харин эрэгтэй шигшээ баг хагас шигшээд Катарын багийн эсрэг үндсэн тоглолтоо гарч чадалгүй 13-21 гэсэн харьцаатай ялагдсан. Гэхдээ тэд хүрэл медалийн төлөө Өмнөд Солонгосын багийг М.Өлзий-Оршихын хожлын шидэлтээр буулган авч, медалийн тавцанд зогссон юм.
Монгол Улс Азийн наадамд оролцож эхэлснээс хойш 49 жилийн дараа багийн спортын төрөлд медаль хүртсэн нь энэ байлаа.
Мөн Монголын цахим спортын баг тамирчид ялгуусан амжилт үзүүлж байна. Олимпийн хөтөлбөрт багтах нь цаг хугацааны асуудал болоод буй цахим спортын төрөл 2018 оноос хойш Азийн наадмын хөтөлбөрт багтаж буй. 19 дэх удаагийн наадамд Монгол Улс анхны баг тамирчдаа "dota 2" болон "PUBG Mobile" төрөлд илгээсэн. "IHC Esports" багийн тамирчид энэхүү хоёр төрөлд эх орноо төлөөлж байгаа бөгөөд "dota 2"-ийн баг нь мөнгөн медалийн болзол хангалаа. Тэд өчигдөр хагас шигшээд Киргизстаны багийг буулган авснаар шигшээд шалгарав. Малайз, Хятадын багийг л эс тооцвол бусдыг нь хожно гэгдэж байсан тэд алтан медалийн төлөө оддын цуглуулга Хятадын багийн эсрэг өнөөдөр/2023.10.02/ тоглоно.
Түмэнгийн Батбаяр 2023-10-02 202.9.40.168
Монголын минь бахархал болсон авхаалж сэргэлэн залуус та нартаа сайн сайхан аз жаргал хүсэн ерөөе. Баярлалаа. Та нар түүх бүтээж чадлаа
Уншигч 2023-10-02 87.248.145.53
МҮОХ-ны авилгач,хулгайчдыг тэр чигээр нь өөрчлөөд ,залуу боловсон дасгалжуулагчдыг тавиад өгөхийн бол тамирчид маань АЗИ -даа битгий хэл Eвропд ч илүү гаран дан ч авилга нь дэндүү аймаар.
Нэргүй 2023-10-02 66.181.183.49
Нүүрсний 40 их наядыг эрх баригчид идэлгүйгээр соёл гэгээрэл, эрүүл мэнд, спортдоо зориулсан болоосой…….
Тэгвэл энэ олон мөнгөн медалийн нилээд нь АЛТ байх байлаа даа !!!
Нэргүй 2023-10-02 103.57.92.38
Багш нар ажил хаях хүртлээ эдийн засгийн хувьд туйлдлаа.
Нэргүй 2023-10-02 139.5.219.125
Залуус маань тивдээ Монголынхоо нэрийг сайхнаар мандуулсааар харин улс төрчид ахмадууд нь Монголынхоо нэрийг авилгаараа доош нь хийсээр
Нэргүй 2023-10-02 43.242.242.59
Баяр хүргье. Эх орныхоо далбааг том тэмцээнд мандуулна гэдэг бол бахархал юм. Одооноос дэлхий болон олимпын медалийн төлөө системтэй бэлтгэж дайчин давшингуй улам ахиж ажиллах ёстой шүү. Тайвширчихаж сэтгэл ханаж болохгүй.
Нэргүй 2023-10-02 43.242.242.59
Та бүгдээрэ бахархаж байна. Улам хичээж олимп, дэлхийн аваргаас медаль авахыг бодоорой. тийм ирээдүй та нарт байнаа. Мундаг шүү дүү нар минь
hehe 2023-10-02 43.242.242.201
ene hediigee l harj baysah yum daa.
Нэргүй 2023-10-02 103.212.119.231
ЗӨВ. МАШ САЙН БАЙНА. БАЯР ХҮРГЭЕ.
MGL 2023-10-02 59.153.114.44
Монгол хүний саруул ухаанд итгэдэг. С.Зориг
Нэргүй 2023-10-02 66.181.176.38
БАЯР ХҮРГЭЕ МУНДАГ 👏👏👏
Зочин 2023-10-02 66.181.178.164
Баяр хүргэе.