Нэмэлт: Ханжоу-2022: Эрэгтэй баг хүрэл медаль хүртлээ.

Ханжоугийн Азийн наадмын 3х3 сагсан бөмбөгийн хагас шигшээ шатны тоглолтууд өнөөдөр/2023.10.01/ үргэлжилж байна. Монголын эрэгтэй, эмэгтэй шигшээ багууд хагас шигшээ шатанд шалгараад байгаа бөгөөд Монголын эмэгтэй шигшээ баг Тайванийг хожиж, алтан медалийн төлөө Хятадын эсрэг тоглохоор болов.

Харин эрэгтэй шигшээ баг Катарын эсрэг тоглолоо. Тоглолтын эхнээс Катарын шигшээ сайн эхлэлийг тавьж, олон онооны зөрүү үүсгэсэн. Омар Саад болон Мохаммед Аббашер нарын алсын зайн шидэлт болон будагтай талбайн тоглолтуудыг Монголын шигшээ хязгаарлаж чадсангүй. Катарын шигшээ баг эхнээсээ илүү явсаар 21-13 харьцаатай хожиж финалд шалгарлаа. Тэгвэл Монголын эрэгтэй шигшээ баг хүрэл медалийн төлөө тоглохоор болсон. Тэд Тайвань болон Өмнөд Солонгосын аль хожигдсон багтай нь тоглоно.