О.Есүгэн "Парис 2024" олимпийн эрхээ авлаа

Боксын эмэгтэйчүүдийн 50 кг-д Монголын тулаанч О.Есүгэн дэлхийн хошой аварга, Казахстаны Назым Кызайбайтай шөвгийн наймын тулаанаа хийлээ. Ялсан нь медальд хүрэх тун хариуцлагатай даваанд О.Есүгэн шийдэмгий тулалдсаар өрсөлдөгчөө оноогоор яллаа.

Шүүгчдийн дөрөв нь О.Есүгэн ялсан гэсэн бол үлдсэн нэг нь тэнцсэн гэж үзсэн юм.

Ийнхүү тэрбээр "Ханжоу 2022" Азийн наадмын хүрэл медалийн болзол хангаснаар "Парис 2024" Олимпод оролцох эрхээ баталгаажууллаа.

"Ханжоу 2022" Азийн дөрөв дэх өдрөө үргэлжилж байхад О.Есүгэн шөвгийн наймд шалгарсан юм.

Тэмцээний боксын эмэгтэйчүүдийн 50 кг-д О.Есүгэн эхний тойрогт Филиппиний Айра Виллегасыг 3:1-ээр буулган авсан. Харин хоёрын даваанд Бангладешийн боксчин Зиннат Фердоусыг оноогоор илүүрхсэн билээ. Ингэснээр манай боксчин медалийн төлөө дэлхийн хошой аварга Казахстаны боксчин Назым Кызайбайтай тулалдахаар болсон байна.