“БАЙГАЛЬД ЭЭЛТЭЙ МОНГОЛ” гэрэл зургийн үзэсгэлэн 2023 оны есдүгээр сарын 27-ны өдөр “Туушин” зочид буудлын дөрөвдүгээр давхарт нээлтээ хийлээ. Тус үзэсгэлэн “Өргөсгүй тор” уриан дор анхны жилдээ зохион байгуулагдаж байна. Үзэсгэлэнгийн гол зорилго нь зэрлэг амьтдад ээлтэй дэд бүтцийг төлөвлөх, хэрэгжүүлэхэд олон нийт болон шийдвэр гаргагчдын анхаарлыг хандуулах, оролцоог нэмэгдүүлэхэд чиглэсэн. Мөн байгаль, зэрлэг амьтдын онгон төрх байдлыг харуулсан зургуудаас гадна тэдгээрт хүнээс шалтгаалсан ямар сөрөг нөлөө байгааг илэрхийлсэн зургуудыг дэлгэж байна.

Энэхүү үзэсгэлэнг АНУ-ын Денвэр амьтны хүрээлэнгийн “Байгаль Хамгаалалд Эмэгтэйчүүд” 2022 оны шагналын хүрээнд санаачилжээ.

• 9-р сарын 27-29-нд, Туушин зочид буудал, IV давхарт Сүлд танхимд,
• 9-р сарын 30, 10-р сарын 01-нд, Сүхбаатарын төв талбайд тус тус болох юм.