НЭМЭЛТ:

Харамсалтайгаар амь насаа алдсан долоон настай хүүгийн хойчийн замыг гэрэлтүүлж Тусгаар тогтнолын талбайд иргэд зул өргөж байна

НЭМЭЛТ:

Цагдаагийн ерөнхий газраас Дорнод аймгийн цагдаагийн газраас эрэн сурвалжлаж байсан долоон настай “С” хүүг иргэний мэдээллийн дагуу тус аймгийн төвийн Хэрлэн сумын гуравдугаар баг Хөгшир гэх газарт дэрсэн дундаас олсон бөгөөд уг хэрэгт холбогдуулан 34 настай “Б” гэгчийг саатуулан шалгаж байна.

СУРАГГҮЙ БОЛСОН ХҮҮГИЙН ЦОГЦСЫГ ОЛЖЭЭ

НЭМЭЛТ:

Дорнод аймагт сураггүй алга болсон хүүгийн цогцсыг аймгийн баруун захаас олжээ. Одоогоор хүүгийн нас барсан шалтгаан тодорхой болоогүй бөгөөд хэргийн газрын үзлэг, мөрдөн шалгах хойшлуулшгүй ажиллагааг хийж байна.

Аймгийн Засаг дарга М.Бадамсүрэн "Үнэхээр харамсалтай. Гүн эмгэнэл илэрхийлж байна. Бяцхан хүүг харж хамгаалж чадаагүйд харамсаад баршгүй. Цагдаагийн байгууллагаас хууль журмын дагуу холбогдох мэдээллийг өгөх болов уу" гэсэн байна.

СУРАГГҮЙ АЛГА БОЛСОН ХҮҮГ НИСДЭГ ТЭРГЭЭР ЭРЭН ХАЙЖ БАЙНА

Дорнод аймгийн Хэрлэн сумын хоёрдугаар багийн нутагт есдүгээр сарын 25-нд долоон настай хүү сураггүй алга болжээ. Хүү цэцэрлэг, халуун усны урд тухайн өдрийн 17.00 цаг орчмоос гэрээсээ гараад сураггүй алга болсон байна. Хүүг эрэн хайгаад гурав хонож байна. Дуудлага мэдээллийг цагдаагийн газарт ирсний дагуу цагдаагийн 20 гаруй хүний бүрэлдэхүүнтэй баг томилогдон эрэн, шалгах ажиллагааг тасралтгүй явуулж байгааг албаныхан мэдээллээ.