Ховдод их цас орж, гамшигт үзэгдлийн хэмжээнд хүрчээ

Цаг агаарын гамшигт үзэгдлийн жагсаалтыг Монгол Улсын Засгийн газрын 2015 оны 286 дугаар тогтоолоор баталсан байдаг. Их цасны гамшигт үзэгдэл гэдэг нь 12 цаг түүнээс доош хугацаанд 10 мм болон түүнээс их хэмжээтэй цас орохыг хэлдэг. Тэгвэл өнгөрсөн шөнө Ховд аймгийн Мянгад суманд 27 мм, Жаргалант суманд 15 мм, Ховд суманд 13 мм хэмжээтэй цас орж цаг агаарын гамшигт үзэгдэл ажиглагдсан талаар Ус, цаг уур, орчны шинжилгээний газраас мэдээллээ.

Өчигдрийн 19:00 цагийн байдлаар дараах авто замуудад цас ихээр орж, цаг агаарын нөхцөл байдал хүндэрсний улмаас тээврийн хэрэгслийн хөдөлгөөнд саад учирч байна. Үүнд,

Хашаатын хөтөл – Цас орж халтиргаа гулгаа үүссэн тул давс, бодис цацахаар ачигч нэг, замчин гурван хүний бүрэлдэхүүнтэй ажиллаж байна. Тээврийн хэрэгслийн хөдөлгөөн хэвийн үргэлжилж байна. “Ховд АЗЗА” ТӨХК
А0306 дугаартай Өлгий-Цагааннуур-Улсын хил чиглэлийн замд үзлэг хийж Зээгтийн давааны замын цасыг цэвэрлэхээр Замчин 5, Ачигч 1 гарган ажиллаж байна. “Жол” ХХК
А0305 дугаартай Ховд-Өлгий чиглэлийн авто замын 130 дахь км Бураатын даваанд их хэмжээний цас орж тээврийн хэрэгсэл зорчиход хүндрэл учраад байна. Зам хариуцагч "Жол" ХХК-иас ковш 1, замчин 6 хүний бүрэлдэхүүнтэй газар дээр нь ажиллаж байна.

Мөн өчигдөр Баян-Өлгий аймгийн нутгаар их хэмжээний цас оржээ. Өнөөдөр Завхан аймгийн нутгаар их хэмжээний цас орох төлөвтэй байна.Өнөө маргаашдаа баруун аймгуудын нутгаар нойтон цас орж, хөрсөн дээр цочир хүйтэрнэ. Зам даваанд халтиргаа гулгаа үүсэж болзошгүй тул иргэд, тээвэрчид та бүхэн онцын шаарлагагүй тохиолдолд тус чиглэлд зорчихгүй байх, зорчих тохиолдолд техникийн бүрэн бүтэн байдлыг сайтар хангахыг анхааруулж байна.

2023 оны есдүгээр сарын 28-наас аравдугаар сарын 2-ныг хүртэлх цаг агаарын урьдчилсан төлөв:

Цаг агаарын урьдчилсан төлөв мэдээгээр есдүгээр сарын 28-нд баруун аймгуудын нутгийн зүүн, зүүн аймгуудын нутгийн баруун хэсгээр,төвийн аймгуудын ихэнх нутаг, говийн аймгуудын нутгийн зарим газраар, 29-нд төвийн аймгуудын нутгийн зүүн хэсэг, зүүн аймгуудын нутгийн зарим газраар, аравдугаар сарын 1-нд баруун аймгуудын нутгийн хойд хэсгээр бороо, нойтон цас, цас орно.

Салхи 28-нд говь, талын нутгаар түр зуур секундэд 16-18 метр хүрч ширүүснэ.

Алтай, Хангай, Хөвсгөлийн уулархаг нутаг, Завхан голын эх, Хүрэнбэлчир орчим, Идэр, Тэс голын хөндийгөөр шөнөдөө -7…-12 градус хүйтэн, өдөртөө -1…+4 градус дулаан, Хэнтийн уулархаг нутаг, Эг, Үүр, Тэрэлж голын хөндийгөөр -1…-6 градус хүйтэн, өдөртөө +4…+9 градус, говийн бүс нутгийн өмнөд хэсгээр шөнөдөө +4…+9 градус, өдөртөө +14…+19 градус, бусад нутгаар шөнөдөө -2…+3 градус, өдөртөө +8…+13 градус дулаан байна. 29-нд нутгийн өмнөд хэсгээр, 30-наас ихэнх нутгаар өдөртөө бага зэрэг дулаарна.

9 сэтгэгдэл

Хариулахаа болих

Энхболд.х 2023-09-27 172.58.167.226

Цаг агаарт Хур тунадсыг. мм – гэдэг ухагдахууныг хэрэглэдэг болой,мэдэж ав.

Хариулах

Нэргүй 2023-09-27 66.181.176.133

Харин тиймээ.см гэхийг мм гэж яриад л бичээд л байх юм.

То 2023-09-27 202.55.188.46

10см гэхийг мм гэж бичсэн юм биш үү.10мм=1см цасыг ямар их цас гэх вээ дээ.

Нэргүй 2023-09-27 103.212.117.209

цас орох цаг нь болоод л орж бна.өвлийн бэлтгэлийг чинь шалгаж бна бэлэн үү.сүржигнэхээл больчих.10мм гэхээр 1см орсон юм шивдээ.

Нэргүй 2023-09-27 213.87.158.18

>>>> Халуун охид таныг хүлээж байна – – – – – https://tinyurl.com/y9p4r96k

Нэргүй 2023-09-27 139.5.219.238

er n bol zamiin asuudlaa bodoltoi l xiix xeregtei xamgiin exend aylgbin zurvasuudiig nvx dov sonduul er bvx [oron nutgiin zamiig gerliin xashlagtai bolgox ene bol muruudul