Монгол Улсын Гавьяат жүжигчин С.Жавхлан "Дулаахан намар" тоглолтоо энэ сарын 30-нд хийнэ. Тэрбээр, тоглолтын зохион байгуулалт, хэрэгжүүлэх үйл ажиллагааны талаар өнөөдөр /2023.09.25/ мэдээлэл өглөө.

Тоглолт зохион байгуулах комиссоос өгч байгаа мэдээллээр, нийт монголчуудаа тоглолт үзэхдээ үндэсний дээлээрээ гоёж ирэхийг уриалж байгаа бөгөөд 21 аймгийн үзэгчид ирэхдээ цахим хуудастаа пост оруулж хамгийн олон лайк авсан аймаг руу тоглолтын жолоогоо үргэлжлүүлэн зална гэдгээ онцлов.

Мөн намрын хаалтын наадмын хэмжээнд тоглолтын зохион байгуулалтыг хийж байгаа учир энгийн болон VIP тасалбар ялгаагүй үзэгчдээ сэтгэл ханамжтай байлгахад анхаарна гэлээ.

АХМАДУУДДАА ЗОРИУЛЖ 2000 СУУДАЛТАЙ ХАЛААЛТТАЙ ХЭСГИЙГ ГАРГАСАН

МУГЖ С.Жавхлан:

-Монголчууд намар даарах сайн гэдэг. Гэхдээ үеийн үедээ монголчууд даарч үзээгүй ард түмэн. Тиймээс тоглолт үзэхдээ даяараа дээлтэй ирэхийг уриалж байна. Хамаг монголчууд маань манай тоглолтод цугларна. Тэгэхээр тоглолт үзэх хүн бүрийг үндэсний дээлээрээ гоёхыг дахин дахин хүсч байна.