3,417.49
Завхан аймгийн Яруу сумын иргэн тарваган тахлын булчирхай хэлбэрээр өвчилсөн нь батлагдсан талаар бид өнөөдөр /2023.09.22/ мэдээлсэн. Тухайн өвчилсөн хүний ойрын хавьтагчдыг тусгаарлаад байсан юм.
Тэгвэл өнөөдөр нэг болон дам хавьтагчдын хариу сөрөг гарч хязгаарласан хөдөлгөөнийг нээж байна.
Энэ талаар тус аймгийн онцгой комиссоос өгсөн мэдээллээр, өвчтөний нэгдүгээр болон дам хавьтагч нарыг бүрэн хяналтад авсан. Иргэний биеийн байдал тогтворжсон, ойрын хавьтлын хүмүүсээс эмнэлзүйн шинж тэмдэг илрээгүй, шинжилгээний хариу сөрөг гарсан. Иймд аймгийн Онцгой комисс хуралдаж, өнөөдрөөс Улиастай сумаас гарах болон Яруу сумаас орох, гарах хөдөлгөөнийг нээхээр шийдвэрлэсэн.
Цаашид ойрын хавьтлын 40 иргэнийг сум, өрхийн Эрүүл мэндийн төвүүд, Цагдаагийн газар, Онцгой байдлын газрын хяналтад тодорхой хугацаанд тусгаарлалтад байлгана.
Тарваган тахлын голомт өндөр идэвхжилтэй байгаа тул иргэд тарвага агнахгүй, тарваганы мах идэхгүй байхыг аймгийн Онцгой комиссоос онцгойлон анхааруулж байна" гэлээ.
Холбоотой мэдээ