Орос улс дотоодын нийлүүлэлтийг тогтворжуулахын тулд дизель түлшний экспортыг түр хугацаагаар хориглосон нь дэлхийн шатахууны зах зээлд дарамт болж байна.

"Түр зуурын хязгаарлалт нь шатахууны зах зээлийг нийлүүлэлтийг хангаж, улмаар хэрэглэгчдийн үнийг бууруулна" гэж ОХУ-ын засгийн газрын хэвлэлийн албанаас мэдээллээ. Ерөнхий сайд Михаил Мишустиний гарын үсэг зурсан Засгийн газрын тогтоолын дагуу бензин шатахуунд ч хамаатай хязгаарлалт нь есдүгээр сарын 21-нээс хэрэгжиж эхлэх бөгөөд эцсийн хугацаа байхгүй.

Хязгаарлалтаас худалдааны эвслийн зарим түншүүд, хүмүүнлэгийн тусламж, дамжин өнгөрөх тээвэрлэлт зэрэг бага зэргийн шатахууны хангамжийг чөлөөлсөн гэж тогтоолд дурджээ.

Энэхүү арга хэмжээ нь дэлхийн хомсдолыг улам хурцатгах аюулаас үүдэн Европ дахь үнэ огцом өссөн байна. Нефть экспортлогч орнуудын байгууллага болон түүний холбоотнуудын хамгийн том үйлдвэрлэгч болох Орос, Саудын Арабаас түүхий нефтийн нийлүүлэлтийг хязгаарлаж байгаа энэ үед дэлхийн газрын тос боловсруулах үйлдвэрүүд хангалттай хэмжээний түлш үйлдвэрлэхээр тэмцэж байна.

Баруун хойд Европт "ICE Gasoil crack" гэгддэг түүхий газрын тосны жишиг дизель түлшний үнэ огцом өсч, нэг баррель нь 35 ам.долларт хүрсэн гэж “Bloomberg” агентлаг мэдээлэв. Буцах гэж нэрлэгддэг өсөлтийн бүтэц тонн тутамд 35 ам.доллар давсан.

ОХУ-аас есдүгээр сарын эхний 13 хоногт өдөрт дунджаар 63 мянган тонн дизель түлш, 8 мянга гаруй тонн бензин экспортолсон гэж эх сурвалж мэдээлжээ. Нефть боловсруулах үйлдвэрүүд улирлын чанартай засвар үйлчилгээ хийлгэж, засгийн газраас үнийг бууруулах арга хэмжээ авсны дараа үйлдвэрлэгчид дотоодын зах зээлд илүү их түлш нийлүүлсэнтэй холбоотойгоор дизель түлшний өдөр тутмын экспорт наймдугаар сарын эхний 30 хоногийн дундажтай харьцуулахад 31 хувиар буурчээ.

ОХУ-ын засгийн газар шатахууны үнийн өсөлтийг зогсоох арга хэмжээг авахын тулд газрын тос үйлдвэрлэгчидтэй хэдэн долоо хоног хэлэлцээ хийжээ. Ерөнхийлөгч Владимир Путин өнгөрсөн долоо хоногт албан тушаалтнууд болон компаниуд цаашид хэрхэн ажиллах талаар тохиролцсон гэж мэдэгдсэн ч маргаан үргэлжилсээр байгааг эх сурвалж  мэдээлж байна.

Автомашины шатахууны үнийн өсөлт нь инфляцид хамгийн том нөлөө үзүүлж байгаа хүчин зүйлсийн нэг бөгөөд Кремль ирэх гуравдугаар сард болох Ерөнхийлөгчийн сонгуульд бэлтгэж байгаа энэ үед улс төрийн толгойны өвчин болж магадгүй юм. Холбооны статистикийн албаны хамгийн сүүлийн үеийн мэдээллээр ОХУ-д бензин, дизель түлшний жижиглэнгийн үнэ оны эхнээс есдүгээр сарын 18-ны өдрийг хүртэл нийт хэрэглээний үнэ 9.4 хувиар өссөн байна.

ЭХ СУРВАЛЖ: BLOOMBERG