"ФС Улаанбаатар” баг маргааш /2023.09.21/ Тайваний “Tainan City” багтай хэсгийн эхний тоглолтоо хийнэ. Азийн хөл бөмбөгийн холбооны цомын тэмцээн “AFC Cup” зүүн бүсийн хэсгийн тоглолт Монгол Улсад болох гэж байна. Тус тэмцээний хэсгийн тоглолтод нийт 30 гаруй орны 40 баг шалгаран цомын төлөө өрсөлдөнө.

Тус багууд 10 хэсэгт хуваагдан цомын төлөө өрсөлдөж байгаа бөгөөд Зүүн бүсийн хэсгийн гурван удаагийн тоглолт есдүгээр сарын 21-нээс арваннэгдүгээр сарын 9-ний хооронд үргэлжлэнэ.

Тус хэсгийн эхний тоглолт Улаанбаатар хотод Монголын Хөл Бөмбөгийн холбооны талбайд болно. Уг тэмцээнд “ФС Улаанбаатар” баг Монгол Улсаас анх удаа Азийн хөл бөмбөгийн цомын тэмцээний хэсгийн тоглолтод шалгаран эх орноо төлөөлөн оролцож байна. "ФС Улаанбаатар" баг нь 2023 оны есдүгээр сарын 21-нд эх орондоо Тайваний “Tainan City” багтай хэсгийн эхний тоглолтоо хийх бол аравдугаар сарын 5-нд Тайваний “Taichung Futuro” багтай, арваннэгдүгээр сарын 9-нд Макаогийн “CPK” багтай тус тус тоглох юм.

Д.Даваахүү