Британийн арлуудад жил бүр тариачдын дунд хамгийн том хүнсний ногоо, хамгийн үзэсгэлэнтэй цэцэгсийг шалгаруулах тэмцээн болдог. Энэ жилийн хүрээнд хамгийн сонирхолтой ногоо нь 20кг жинтэй сонгино болоод байна. Гернсид байрлалтай Гарет Грифин 20кг жинтэй сонгиноо тэмцээнд оруулснаар шинэ рекордыг эзэмших болжээ. Тэмцээний шүүгч нар тус сонгино хэтэрхий том ба анхны тохиолдол байлаа гэлцгээв.

Тус сонгино хамгийн том хүнсний ногоог харах боломжтой "Хүнсний павильон" дээр байршиж байна. Мөн тэмцээний зохион байгуулагчид сонгиныг Гиннесийн номонд оруулахаар ажиллаж байгаа аж.