Нэн эртний түүхтэй Цагаан хэрмийг хэтэрхий урт, замын садаа гэж үзэн "нүхлэх"-ээр оролдож байсан хоёр барилгын ажилчдыг саатуулжээ. Дэлхийн түүхэнд Чингис хаан, Манж нар л Цагаан хэрмийг довтлож байсан бол өнөө үед Жэн, Ван гэх барилгын ажилчид түүхэнд бичигдэх боллоо хэмээн цахим сүлжээ хэрэглэгчид нийтлээд байна. Хятадын эрх баригчид эртний хэрэм, соёлын дурсгалт газар,НҮБ-ын хамгаалалтад байдаг Цагаан хэрэмд хохирол учирсан ихэд шүүмжлэлтэй хандаж, хатуу арга хэмжээ авна гэв. Тодруулбал, 38 настай Жэн, 55 настай Ван нар Цагаан хэрмийг зэргэлдээх хотод барилгын ажил хийхээр явж байжээ. Цагаан хэрэм хэтэрхий урт тул цаад талд нь очиход маш их замыг туулж, тойрох ёстой болов. Харин тойрохын оронд барилгын ажилчид эксгаватороор нүхлэх гэж оролдож байхад нь жуулчид болиулсан байна. Нүхлэх гэж оролдсон хэсэг нь Шаньси мужид байрладаг ба хамгийн хадгалалт сайтай, судалгааны чухал ач холбогдолтой хэсэг байжээ.

Эх сурвалж: AP news