Арабын Нэгдсэн Эмират улсын цагдаа нар тавилга дотор нуусан хууль бус 13 тонн мансууруулах эмийг хураан авчээ. Каптагон гэгддэг мансууруулар эмийг тээвэрлэж болзошгүй чингэлэг байгааг албаныхан мэдэгдсэний дараа нэгжлэг хийсэн байна. Нэгжлэгийн явцад 1 тэрбум ам.доллар давах үнэ бүхий мансууруулах эм олдсон бөгөөд зургаан хүн сэжигтнээр татагджээ.

Цагдаа нар хууль бус ачааны маршрутыг дурдаагүй ч Сирид асар их хэмжээгээр үйлдвэрлэсэн гэж үзэж байна. Нийт таван чингэлэг, 13 тонн мансууруулах эм олдсон ба олон улсын хар тамхины бүлэглэлтэй хамааралтай гэх анхан шатны дүгнэлт гарчээ. Хүн амын ядуурлын түвшин өндөр Сирид энэ мэтчилэн хэрэг ихээхэн гардаг ч тус улсын албан тушаалтнууд үгүйсгэх нь олонтой.

Эх сурвалж:BBC