“IESF World Esports Championships” 15 дахь удаагийн тэмцээнд Монгол Улсаа төлөөлөн оролцсон “IHC E-Sports” баг “DOTA2” төрөлд түрүүлжээ. Тив бүрээс шалгарсан шилдэг 16 багаас ийнхүү Монголын “IHC E-Sports” баг тэргүүлж, 50 мянган ам.долларын эзэд боллоо.

Ингэснээр “IESF IASI 2023” тэмцээнд “DOTA2” баг нэгдүгээр байр, “MLBB” баг тавдугаар байр, “CS:GO” баг 13-16 дугаар байр гэсэн амжилттай оролцож байна.

“IESF”-ийн 2023 оны дэлхийн аварга шалгаруулах тэмцээн наймдугаар сарын 26-наас есдүгээр сарын 3-ны хооронд болсон. Тэмцээнд 16 орны баг тамирчид оролцсон бөгөөд шагналын сан 100 мянган ам.доллар байжээ.

“IHC E-Sports” багийн бүрэлдэхүүн:

• Алтангинж «423» Билгүүн
• Сүхбат «sancity-» Отгондаваа
• Мөнх-Эрдэнэ «eleven» Батцоож
• Батбаясгалан «Ace12» Наранханд
• Төгстөр «Se» Дашзэвгэ
• Лий «Forev» Сан-дон (дасгалжуулагч).