Хятадын Гадаад хэргийн сайд Ван И өнгөрсөн Бямба гаригт Украины дайны эмгэнэлт явдал Ази тивд давтагдах ёсгүй гэж хэлжээ. Мөн их гүрний өрсөлдөөний гар хөл болж болохгүйг улс орнуудад анхааруулав.

"Өөрсдийн геополитикийн хэрэгцээг хангах зорилгоор Өмнөд Хятадын тэнгисийн асуудлаар энх тайвныг алдагдуулж, үймээн дэгдээхийг оролдсон тайзны арын манипуляторыг илчлэх ёстой. Бид хүйтэн дайны сэтгэлгээг орхиж, үр дүнгүй тоглоомоос татгалзах хэрэгтэй. Мөн бүс нутгаа геополитикийн тооцооллоос хол байлгаж, их гүрний өрсөлдөөний гар хөл болох ёсгүй. Украины хямрал бол хүн төрөлхтнийг сэргээх дохио. Ази тивд ийм эмгэнэлт явдал давтагдах ёсгүй" гэж Ван И хэллээ.

Манипуляц хийсэн гэж чухам аль улсыг хэлж буйгаа Ван И тодорхой дурдаагүй. Гэхдээ Хятадын шинжээчид Ван Иг АНУ болон түүний холбоотнуудад хандаж хэлсэн гэж үзэж байна. "Бүс нутагт Орос, Украины хооронд үргэлжилж буй цэргийн мөргөлдөөнтэй төстэй хямралыг үүсгэх АНУ-ын стратегийн төлөвлөгөөнд Хятад санаа зовж байгааг Ван Игийн хэлсэн үг харуулж байна. Өмнөд Солонгос, Японыг бэхжүүлэхийн тулд АНУ саяхан Солонгосын хойг болон зүүн хойд бүс нутагт цэргээ байршуулсан. Мөн Австрали, Их Британи хоёрыг холбох АУКУС-ын гэрээ гэх мэт алхам нь АНУ Ардын чөлөөлөх армийн цэргийн хүчийг тараахыг хүсч буйг харуулна" гэж Бээжинд төвтэй Юан Ван цэргийн шинжлэх ухаан, технологийн судалгааны төвийн судлаач Жоу Ченмин хэлжээ. 

Эх сурвалж: SCMP