"Burning Man" /Шатаж буй хүн/ нэртэй уламжлалт фестивальд оролцохоор Невадагийн цөлд цугласан олон арван мянган хүн үерт боогджээ. Хүчтэй аадар борооны дараа наадмын зохион байгуулагчид Хар хадны цөлд хоргодож буй хүмүүст хоол хүнс, ус, түлшээ хэмнэхийг сануулсан байна.

Баасан гаригийн орой ширүүн бороо орсны дараа майхан нь шагай хүртэл зузаан шаварт шаварт автаж, зохион байгуулагчид наадам руу ирэх, явах тээврийн хэрэгслийг зогсоосон байна. Наадамд оролцогчдын зарим нь төв замд хүрэхийн тулд хэдэн миль алхсан байна.

Тус фестивальд анх удаа оролцож буй Ханна Бурхорн "CNN"-д утсаар ярихдаа, цөлийн элс зузаан шавар болж хувирч, шалбааг, шавар хаа сайгүй байгааг хэлжээ. Хүмүүс гутлаа гацаахгүйн тулд хогийн уут, "Ziploc" уутаар ороосон бол зарим нь хөл нүцгэн алхаж байна гэв.

Баруун хойд Невада мужийн алслагдсан бүс болох Хар хад хотын пост, нисэх онгоцны буудал хаалттай хэвээр байгаа бөгөөд яаралтай тусламжийн машинаас бусад тохиолдолд хот руу орох, гарахыг хориглосон гэж зохион байгуулагчид мэдэгджээ.

Энэ жил тус фестиваль наймдугаар сарын 28-наас есдүгээр сарын 4-ний хооронд зохиогдохоор товлосон байна. Бүтэн долоо хоног үргэлжилдэг арга хэмжээнд жил бүр 70,000 гаруй хүн оролцдог. Тэдний хэд нь цGYEаг агаарын байдлаас болж гацсан нь тодорхойгүй байна.

ЭХ СУРВАЛЖ: CNN