Нобелийн сан өргөн хүрээний шүүмжлэлд өртсөний дараа Орос, Беларусь, Ираны Элчин сайдуудыг Нобелийн шагнал гардуулах ёслолд урих  маргаантай шийдвэрээ өөрчлөв. Нобелийн сангаас гурван улсын Элчин сайдыг урихгүй гэж Бямба гаригт хэвлэлийнхэнд мэдэгдэв.

Стокгольм дахь Нобелийн шагнал гардуулах ёслолд Орос, Беларусийн Элчин сайдуудыг урих шийдвэрийг Украин улс буруушаасан. Мөн Европын парламентын швед гишүүн энэ шийдвэрийг "маш зохисгүй" гэж нэрлэжээ.

“Нобелийн сангаас өмнөх туршлагын дагуу бүх Элчин сайдуудыг Нобелийн шагнал гардуулах ёслолд урих шийдвэр гаргасан нь хүчтэй эсэргүүцлийг төрүүлэв” гэж тус сангийн төлөөлөгч  мэдэгдэлдээ дурдав.

Мөн өнгөрсөн жилийн улс төрийн тодорхой мессежээр Орос, Беларусийн хүний ​​эрхийн төлөө тэмцэгчид, мөн Оросын дайны гэмт хэргүүдийг баримтжуулах чиглэлээр ажиллаж буй украинчуудад энх тайвны шагнал гардуулсныг дурсчээ.

Нобелийн хүлээн авалт жил бүрийн арванхоёрдугаар сарын 10-нд Стокгольм хотноо болдог бөгөөд зургаан төрлөөр Нобелийн таван шагналыг хүртээдэг. Харин Нобелийн энх тайвны шагнал гардуулах ёслол Норвегийн Осло хотноо болно.

ЭХ СУРВАЛЖ: CNN