Элон Маск өнгөрсөн оны гуравдугаар сард “Твиттер” буюу “Х” компанийн гүйцэтгэх захирал асан Параг Агравалтай оройн хоолонд оржээ. Маск энэ уулзалтын дараа Агравалын талаар сэтгэгдлээ илэрхийлэхдээ “Тэр үнэхээр сайн залуу. Гэхдээ Твиттерт галаар тургидаг луу л хэрэгтэй. Даанч Параг тийм биш юм. Удирдагч хүнд байх наад зах нь нэг чанар түүнд дутагдаж байна” гэж хэлсэн.

Элон Маскийн намтар номыг есдүгээр сарын 12-нд худалдаанд гарна. Зохиогч Уолтер Исааксон энэ талаар намтар номд дэлгэрэнгүй бичсэн гэв.

Энэ уулзалтын дараахан Маск “Твиттер”-ийн хамгийн том хувьцаа эзэмшигч болжээ. Тухайн үед тэдний харилцаа асуудалгүй байсан ч удалгүй хагарал үүссэн. Дөрөвдүгээр сард Маск “Твиттер устах нь уу?” гэж жиргэжээ. Мөн “Твиттер”-ийн удирдлага, тэр дундаа Агравал нарт итгэлгүй байгаагаа илэрхийлсэн байна. Ингээд аравдугаар сард Маск “Твиттер”-ийн гүйцэтгэх захирал болж, Агравалыг хамгийн түрүүнд ажлаас халжээ.

Эх сурвалж: BUSINESS INSIDER