АНУ-ын Нью Иорк хотноо талбайн теннисний 2023 оны сүүлийн Их Дуулга болох “Америкийн Нээлттэй” тэмцээн 2023 оны 8 дугаар сарын 28-ны өдөр эхэллээ. Хатуу талбай дээр явагддаг тус тэмцээний эрэгтэйчүүдийн чансааг Испанийн К.Алкараз тэргүүлсэн бол эмэгтэйчүүдийн чансааг Польшийн И.Швиантек тус тус тэргүүлэн оролцож байна. Эрэгтэйчүүдээс нэгдүгээр тойрогт [4] Данийн Х.Рүне Испанийн Р.Карбаллес Баенад 6:3, 4:6, 6:3, 6:2 харьцаатай хожигдож тэмцээнээс хасагдав. Мөн [11] ОХУ-ын К.Хачанов АНУ-ын М.Мо-д 6:2, 6:4, 6:2 харьцаатай хожигдов. Дэлхийн чансааг тэргүүлэгч К.Алкараз Германы Д.Коефертэй тоглон 6:2, 3:2 харьцаатай хожиж байх явцад Германы тамирчин гэмтэл авсан тул тоглолтыг өндөрлүүлэв. Дэлхийн чансааны хоёрдугаарт бичигдэж буй Сербийн Н.Жокович Францын А.Муллертэй тоглон 6:0, 6:2, 6:3 харьцаатай ялалт байгуулав. [7] Грекийн С.Циципас Канадын М.Раоничтэй учраа тааран 6:2, 6:3, 6:4 харьцаагаар илүүрхэв. Сүүлийн үед тааруу амжилттай тоглож буй [15] Канадын теннисчин Ф.Оже-Алиассим АНУ-ын М.Макдональдад 7:6, 4:6, 6:1, 6:4 харьцаагаар хожигдож тэмцээнээ эрт өндөрлүүлэв. Нутгийн дэвжээндээ тоглож буй АНУ-ын [9] Т.Фриц мөн л нутаг нэгт С.Жонсоныг 6:2, 6:1, 6:2 харьцаатай хожсон бол [10] Ф.Тиафо мөн л өөрийн улсын тамирчин Л.Тиентэй оноолт таарч 6:2, 7:5, 6:1 харьцаатай төвөггүй хожив.

Эмэгтэйчүүдийн чансаанд 8 дугаарт бичигдсэн Грекийн М.Саккари Испанийн Р.Масаровад 6:4, 6:4 харьцаатай хожигдон тэмцээнээ эрт дуусгав. [12] Чехийн Б.Крежикова Италийн Л.Бронзеттид 6:4, 7:6 харьцаатай хожигдон тэмцээнээс хасагдсан байна. Чансааг тэргүүлэгч Польшийн И.Швиантек Шведийн Р.Петерсоныг 6:0, 6:1 харьцаагаар төвөггүй хожсон бол [2] Беларусын А.Сабаленка Бельгийн М.Заневскаг 6:3, 6:2 харьцаатай хожив. [3] АНУ-ын теннисчин Ж.Пегула Италийн С.Гиоргиг 6:2, 6:2 оор хожсон бол [6] АНУ-ын залуу тамирчин К.Гофф ширүүн өрсөлдөөний эцэст Германы Л.Сиегмундыг 3:6, 6:2, 6:4 харьцаатай хожсон байна. Энэ жил 43 настай АНУ-ын ахмад теннисчин В.Уильямс Бельгийн Г.Миннентэй учраа тааран 6:1, 6:1 харьцаатай хожин тэмцээнээ өндөрлүүлэв.

Тэмцээний хоёрдугаар тойрогт АНУ-ын [9] Т.Фриц, [10] Ф.Тиафо, [14] Т.Пол нар өрсөлдөгчид болох Перу улсын Ж.Варилас, Австрийн С.Офнер, ОХУ-ын Р.Сафиуллын нарыг тус тус хожиж гуравдугаар тойрогт шалгарсан байна. [7] Грекийн С.Циципас Швейцарийн Д.Стрикерт 5:7, 7:6, 7:6, 6:7, 3:6 харьцаагаар хожигдон тэмцээнээс хасагдав. [2] Н.Жокович Испанийн Б.Запата Миралесийг 6:4, 6:1, 6:1 харьцаатай хожсон бол [1] К.Алкараз Ямайкийн Л.Харрисийг 6:3, 6:1, 7:6 харьцаатай тус тус хожив. [3] ОХУ-ын Д.Медведев Австралийн К.ОКоннелийг 6:2, 6:2, 6:7, 6:2 харьцаатай хожсон бол [13] Австралийн хамгийн өндөр чансаатай А.ДиМинаур БНХАУ-ын И.Вүг 6:1, 6:2, 6:1 харьцаатай хожив.

Эмэгтэйчүүдээс хоёрдугаар тойрогт [11] Чехийн П.Квитова Данийн К.Возниацкийд 7:5, 7:6 харьцаатай хожигдож тэмцээнээ өндөрлүүлсэн бол [4] Казахстаны Е.Рыбакина Австралийн А.Томляновичтой учраа таарсан ч өрсөлдөгч нь гэмтлийн улмаас тоглох боломжгүй болсон тул дараагийн шатанд шууд шалгарав. [1] И.Швиантек Австралийн Д.Савилийг 6:3, 6:4 харьцаатай хожсон бол [2] А.Сабаленка Их Британийн Ж.Бурражийг 6:3, 6:2 харьцаатай тус тус хожив. [5] Тунисын тамирчин О.Жабеүр Чехийн Л.Носковаг 7:6, 4:6, 6:3 харьцаатай хожиж дараагийн шатанд шалгарав. Гуравдугаар тойргийн хамгийн сонирхол татахуйц тоглолтууд [6] К.Гофф – [32] Е.Мертенс, [5] О.Жабеүр – [31] М.Боузкова, [3] Ж.Пегула – [26] Е.Свитолина нарын хооронд тус тус өрнөх юм.

Гуравдугаар тойрогт эрэгтэйчүүдийн дараахь тоглолтууд үзэгчдийн хүлээлтийг үүсгэж байна: [6] Я.Синнер – С.Вавринка, [1] К.Алкараз – [26] Д.Эванс, [10] Ф.Тиафо – [22] А.Маннарино. Тус тэмцээн Улаанбаатарын цагаар 9 дүгээр сарын 11-ний өглөө өндөрлөх юм.