"Вагнер"-ын тэргүүн Евгений Пригожиний сууж явсан онгоц осолдож, дотор нь байсан 10 хүн бүгд амиа алдсан. Энэ явдлын дараа онгоцонд үнэхээр Пригожин байсан эсэх талаар олон нийт хэлэлцэж байв.
Тэгвэл нас барагсдын дунд Пригожин байсан гэдгийг ДНХ-ийн шинжилгээгээр баталсан гэж Оросын албаныхан өчигдөр /2023.08.27/ мэдэгдлээ. "Молекул генетикийн шинжилгээний дараа нас барсан 10 хүнийг 10-ууланг нь хэн болохыг тогтоосон. Тэд нислэгийн хуудсанд заасан нэрсийн жагсаалттай тохирч байгаа" гэж Мөрдөн байцаах хороо мэдэгджээ.
Дмитрий Уткин, Валерий Чекалов тэргүүтэй Пригожиний хамгийн итгэлтэй туслахууд түүнтэй хамт явсан. Дмитрий Уткин нь Пригожиний баруун гар гэдгээрээ танигдсан бол Валерий Чекалов нь "Вагнер"-ын логистикийн дарга юм.
Санкт-Петербургийг чиглэж явсан хувийн онгоц Москвагаас хойд зүгт 100 хүрэхгүй км-ийн зайд осолдсон. Энэ үйл явдлыг "Вагнер"-ын бослогын төлөөх Путины өшөө авалт гэж таамаглаж байсан ч Кремль үүнийг үгүйсгэжээ. Путин Пүрэв гаригт Пригожиний үхэлтэй холбоотойгоор мэдэгдэл хийхдээ түүнийг "Газрын тос, хий, үнэт метал, үнэт чулууны салбарт авъяаслаг бизнес эрхлэгч байсан" гэж тодорхойлсон. Мөн амьдралдаа олон ноцтой алдаа хийсэн ээдрээтэй хувь тавилантай хүн гэжээ.
Пригожинийг нас барсны дараа Путин "Вагнер" тэргүүтэй хөлсний цэргийн бүлгүүдийг төрийн хатуу хяналтад оруулахыг тушаасан. Тодруулбал, "Вагнер" болон бусад хөлсний цэргий компанийн дайчдыг Оросын төрд үнэнч байх тангараг өргөхийг тушаажээ.
Эх сурвалж: NBC NEWS
Нэргүй 2023-08-28 213.87.133.137
))))) Халуун охид таныг хүлээж байна – – – – – https://tinyurl.com/y9p4r96k
Зочин 2023-08-28 59.153.113.229
Пу ах хэтэрхий улайн цайм ч, үр дүнтэй сайн ажиллаж байна оо, нэг өдөр өөрийнх нь ээлж ирэх л байх даа, оросууд салая гэсэн хүнээсээ салж чаддаг л ард түмэн дээ
Нэргүй 2023-08-28 66.181.167.196
ene hun alagdah n tsag hugatsaanii l asuudal bsn. Putin Stalin shig uurt n durgui hun buriig alj bna daa.
Нэргүй 2023-08-28 59.153.87.56
Путин ах сайн ажиллаа
Нэргүй 2023-08-28 66.181.160.28
Адгын гэмт хэрэгтэн байсан ч ШҮҮХЭЭР л шийтгэх ёстой Энэ бол төрт улсын суурь зарчим
Орос орныг бүлэг дээрэмчид эзэгнэж байна…
ТОЛГОЙЛОГЧ НЬ ПУТИН 2023-08-28 59.153.114.10
Тэр бүлэг дээрэмчдийн толгойлогч нь Путин. Мань эр бүлгийнхээ нэг гишүүнийг нухчихсан нь энэ
zochin 2023-08-28 142.114.8.170
Xөлсний цэрэг мэрэг гэдэг юм сонссон чинь санаанд бууxгүй байна, тийм улс байдаг бол ийм л төгсгөл xүлээxээс өөр сайxан юм юу xүлээx вэ дээ, эx оронгүй xүмүүсийг !!!
Нэргүй 2023-08-28 66.181.160.62
Хэт ихийг хүсэж од болох хүсэл нь өөрийнхөө үхлийг татсан яая гэхэв