“Авлига хороолол”-д холбогдох хэргийг ирэх 7 хоногт шүүнэ

Нийтийн эрх ашгийг зөрчиж, усны сан бүхий газарт үерийн эрсдэл үүсгэж баригдаж буй "Авлига хороолол" гэх хотхоны барилгын ажлыг зогсоож, хоёр блокыг нураах захирамжийг нийслэлийн Засаг дарга Д.Сумъяабазар гаргасан. Гэвч хууль эрхзүйн хүрээнд тус барилгын ажил нь зөрчилгүй учир ашиглалтад оруулна гэдгийг тус компанийн удирдлагууд өнөөдөр мэдэгдсэн.

“Онч шийдэл” НҮТББ-ын нэхэмжлэлтэй, нийслэлийн Засаг дарга, Хот байгуулалт, хөгжлийн газрын дарга, Барилга, хот байгуулалтын яам, Барилгын хөгжлийн төвд тус тус холбогдох, Нийслэл дэх Захиргааны хэргийн анхан шатны шүүхийн шүүгчийн 2023 оны наймдугаар сарын 10-ны өдрийн “Хүсэлт шийдвэрлэж, шүүх хуралдааныг товлох тухай” 6399 дүгээр захирамжийг гуравдагч этгээдээр оролцох хүсэлт гаргагч Б.Энхмаа, М.Оюун-Эрдэнэ, М.Амаржаргал, Б.Дэлгэрцэцэг, Б.Эрдэнэсайхан, С.Тэгш-Ерөөлт, Б.Батдорж, А.Алтаншагай, А.Солонго, Ө.Зоригт, Г.Түмэнбаярын өмгөөлөгч Б.Баяраа нарын гомдлоор ирэх долоо хоногт хэлэлцэхээр болсон байна.

Тодруулбал, наймдугаар сарын 30-ны 13:30 цагаас тус хэргийг хянан хэлэлцэх аж.

Эргэн сануулбал, "Онч шийдэл" ТББ-ын нэхэмжлэлтэй нийслэлийн Засаг дарга Д.Сумъяабазар, Барилга хот байгуулалтын яам, Улаанбаатар хотын ерөнхий архитектур, Барилгын хөгжлийн төв нарт холбогдох хэргийн шүүхийн урьдчилсан хэлэлцүүлэг хоёр долоо хоногийн өмнө /2023.08.10/ болж таван шийдвэр гаргасан. Иргэдийн зүгээс "Авлига хороолол"-ын барилгын ажлыг зогсоох шийдвэр гаргасан ч үргэлжилж байгаад бухимдаж буй. Өнгөрсөн долоо хоногт Нийслэлийн Засаг даргын тамгын газраас мэдээлэл өгч "Aqua garden" хотхоны газар үйл ажиллагаа явуулах хууль ёсны зөвшөөрөлтэй бөгөөд нийтийн эрх ашгийг харгалзаж, барилгын ажлыг цуцлах шийдвэр гаргах асуудлаар ажлын хэсэг гаргасан гэв. Тодруулбал, тухайн компанид зөвшөөрөл олгосон хүмүүсийг шалгаж, хуулийн дагуу арга хэмжээ авна гэлээ.

Улмаар наймдугаар сарын 18-нд Нийслэлийн Засаг дарга Д.Сумъяабазар авлига хороолол буюу "Aqua garden", "S.Outlet", "Шунхлай" шатахуун түгээх станцын барилгыг албадан буулгана. Барилгыг албадан нураах зардлыг эхлээд нийслэлийн төсвөөс гаргаж, дараа нь эдгээр компаниудаар нөхөн төлүүлэхээ мэдэгдсэн.

Одоогийн байдлаар "Aqua garden" хотхоны дөрвөн блок барилга баригдаж, хоёр нь 16-гаас дээш давхартаа орж, дулаалга, заслын ажлыг хийж буй. Эдгээрээс онцгой бүсэд орсон хоёр блок барилгыг албадан буулгах захирамж гарсан ч шууд хэрэгжих боломжгүй юм. Учир нь 16-аас дээш давхар барилга учраас барилгын ажил эхлүүлэх, түдгэлзүүлэх шийдвэр нь Барилга хот байгуулалтын яамны эрх хэмжээний асуудал болоод буй.

Хэдийгээр БХБЯ-наас барилгын ажлыг түдгэлзүүлэх шийдвэр гарсан ч мөн л хуулийн дагуу шийдвэр гарч байж хэрэгжинэ.

12 сэтгэгдэл

Хариулахаа болих

МӨНХЖАРГАЛ 2023-08-25 103.111.68.3

АВЛИГААР ГАЗАР ОЛГОСОН ГЭЭД ЯИРГДААД БАЙГАА. ТЭР УЛСУУДААР НЬ ХОХИРЛЫГ НЬ ТӨЛҮҮЛЭХ ХЭРЭГТЭЙ ДЭЭ ТҮРЭЭСЛЭЖ БАЙГААД ХУДАЛДААД АВСАН ИРГЭНИЙН БУРУУ ГЭЖ ЮУ БАЙСАН ЮМ. БАС Л АМЬДРАХ АШИГ ОЛОХ ГЭЭД Л ЗҮТГЭЖ БАЙГАА НЭГЭН БИЕСНЕСМЭН Л БГАА БЛГҮЙ ДЭЭ. САЙТУУДАД БИЧЭЭД БГААГААР БОЛ ТҮРЭЭСЛЭЖ БГААД ХУДАЛДАЖ АВСАН ГЭЭД БАГАА ШДЭЭЭ

Хариулах

Нэргүй 2023-08-25 66.181.181.43

Bugdiig ni buulga. Dund gol dotor barisan. Dund goliin dalan buren buten baisan. Tumur zam, ene xoroolol 2-iin xoorond dalan xaragdaxgui baina lee shuu. Ene ereg xaviin bairuudiig ruu tsaashdaa us chuluutui ursaxaar bolgoson xaragdaj baina. Tumur zamiin urduur dalan baidag baisan daa, baixgui, xaragdaxgui baina lee. Tumur zamtai mash oirxon ene xoroololiig barichixaad baina. Yamar bank ed nart zeel ugsun baina aa. Baigalia orchin Nogoon xugjliin shalguur xaana baina.

Нэргүй 2023-08-25 202.126.88.126

МОНГОЛД ХУУЛЬТ ЕС ТОР ЗАСАГ БАЙДАГ ГЭДГИЙГ ХАРУУЛАХ ЦАГ ИРЖДЭЭ ХУУЛЬ БУС ХУЛГАЙ ЛУЙВАР ААР ХИЙГДЭЖ БАЙГАА УУНИЙГ ЗОГСООЖ НУРААХ Л ХЭРЭГТЭЙ

Зочин 2023-08-25 192.82.92.42

Хариуцлага тооцох механизм хэтэрхий урт, нуршуу!!!

Нэргүй 2023-08-25 202.55.182.221

йим зүйлээс яаралтай салах хурдан арга: юу вэ? АВЛИГТАЙ ТУУШТАЙ ТЭМЦЭЖ, БИЗНЕСИЙН ЁС ЗҮЙН ҮНЭ ЦЭНИЙГ ОЛОН НИЙТ НИЙГЭМД САЙН ТАНИУЛАХ ЁСТОЙ ЮМ БОЛОВ УУ!

ЗОЧИН 2023-08-25 103.10.21.12

1.ГАЗРЫН ЗОРИУЛАЛТЫГ АВИЛГААР ӨӨРЧЛӨН ШУНАЛТАЖ ОРОН СУУЦУУД БАРЬСАН 2.БҮРЭН ЦУТГАМАЛ БАРИЛГА 16 ДАВХАРААС ИЛҮҮ БАРИГДАХ ЁСГҮЙ,БАРИЛГА ХООРОНДЫН СТАНДАРТ ЗАЙ ХАНГАГДААГҮЙ 3.СУУРЬ,ДООД ДАВХАР ҮЕРИЙН УСАНД ИДЭГДСЭН,АХИН УСАНД АВТАХ,ГАЗАР ХӨДЛӨЛТӨНД НУРАХ АЮУЛТАЙ БОЛСОН ТУЛ ХҮН АМЬДРАХ НӨХЦӨЛГҮЙ БОЛСОН 4.БАРИЛГЫН АЖЛЫГ ЗОГСООХ ТУХАЙ ХОЛБОГДОХ ГАЗРУУДЫН ШААРДЛАГЫГ БИЕЛҮҮЛУУГҮЙ ЗЭРЭГ НОЦТОЙ ЗӨРЧЛҮҮДИЙН УЛМААС 4 БАРИЛГЫГ БҮГДИЙГ НЬ БУУЛГА.БУУЛГАХ ХӨРӨНГӨ,ИРГЭДИЙН МӨНГИЙГ КОМПАНУУДААР ГАРГУУЛ.