Тайванийг тойрсон Хятадын цэргийн ажиллагаа шинэчлэгдсэнийг арлын Батлан хамгаалах яам Баасан гаригт /2023.08.25/ мэдэгдлээ. Тодруулбал, Хятадын 13 нисэх онгоц Тайванийн хариу арга хэмжээ авах бүс рүү орж ирсэн бол таван хөлөг онгоц нь байлдааны бэлэн байдлын эргүүл хийжээ.

Батлан хамгаалах яамнаас мэдэгдсэнээр өглөөний 07:00 цагийн орчимд Хятадын 22 онгоцыг илрүүлсэн байна. Эдгээрийн дотор сөнөөгч, бөмбөгдөгч, дрон зэрэг байсан. Эндээс 13 нь хариу арга хэмжээ авах бүс рүү орж иржээ. Тиймээс Тайванийн тал хяналт тавихын тулд өөрсдийн нисэх онгоц, хөлөг онгоцуудаа илгээсэн байна.

Хятад улс өнгөрсөн долоо хоногийн Бямба гаригт Тайванийн орчимд цэргийн сургуулилалт хийсэн. Энэ нь Тайванийн дэд дарга Уилльям Лай АНУ-д айлчилсны хариу арга хэмжээ байжээ.

Эх сурвалж: REUTERS