Попын хаан агсан Майкл Жексоны хоёр хүүхэд анх удаагаа сургуульд явах гэж байна. Хоёр жил гэрийн багшаар хичээл заалгасан 13 настай Принц Майкл, 12 настай Парис Жексон нар өнгөрсөн лхагва гарагаас  дуучин Парис Хилтон, “Найзууд” киноны Мэтью Перри нарын суралцаж байсан  Лос Анжелесын нэгэн хувийн сургуульд явж эхэлсэн байна.

Харин Жексоны найман настай хүү бага Принц  гэрээр үргэлжлүүлэн хичээл заалгах аж.

Гурван хүүхдийг харж асарч байгаа нэрт дуучин агсны ээж  Катерин хүүхдүүдийг нийгмийн амьдралд оруулж, найз нөхөдтэй болгох нь чухал байна гэж хэлжээ.

Жексон хүүхдүүдээ байнга олны нүднээс нууж, гадуур авч гарахдаа баг зүүлгэдэг байсан юм.  Хүүхдүүдийн суралцах Лос Анжелесын Buckley дунд сургуулийн нэг жилийн төлбөр нь 25,000-29,000 ам доллар гэнэ.