Украин улсаас сөрөг довтолгооны хүрээнд сүүлийн гурав хоногт ОХУ-ын нутаг дэвсгэр дэх байршлуудад Оросын байлдааны таван онгоцыг сөнөөсөн гэж мэдээлжээ. Киевийн Батлан хамгаалах яамнаас мэдээлснээр, Украины нутаг дэвсгэрээс харвасан пуужингууд ОХУ-ын нутаг дэвсгэрийн гүн дэх агаарын баазуудад амжилттай цохилт өгсөн гэв.

Тухайлбал, Украины хилээс 400 милийн зайд орших Санкт-Петербург хотоос өмнө зүгт орших Солцы-2 агаарын баазад өнгөрсөн Бямба гаригт дуунаас хурдан бөмбөгдөгч "Туполев Ту-22" онгоцыг устгасныг онцолжээ. Харин ОХУ-ын Батлан ​​хамгаалах яам халдлагад коптер маягийн нисэгчгүй агаарын хөлөг (UAV) үүрэг гүйцэтгэсэн гэж мэдэгдсэн.

Дууны хурднаас хоёр дахин хурдлах чадвартай Ту-22 загварын онгоцыг Украины хотуудад цохилт өгөхөд өргөн ашиглаж байна. Украин ийм онгоцыг зогсоох чадваргүй ч түүний хөөргөсөн пуужингуудыг харваж сөнөөж чадна гэдгээ арми удаа дараа нотолсон.

Тагнуулын албатай хамтран ажиллаж байсан агентууд сүүлийн өдрүүдэд Оросын таван нисэх онгоцыг устгаж, гэмтээсэн гэж мэдэгджээ.

ЭХ СУРВАЛЖ: THE TELEGRAPH