"Улаанбаатар" их дэлгүүрийн зүүн талын замыг хаана

"Улаанбаатар" их дэлгүүрийн зүүн талын авто замыг хааж, хучилт хийнэ гэдгийг нийслэлээс мэдээлжээ. Сүхбаатар дүүргийн дөрөвдүгээр хороо Намнансүрэнгийн гудамж буюу "Улаанбаатар" их дэлгүүрийн зүүн талын авто замын хөдөлгөөнийг хязгаарлаж, засварын ажил гүйцэтгэж байна. Тодруулбал, өчигдөр буюу наймдугаар сарын 18-ны 22:00 цагаас 20-ны 20:00 цаг хүртэл тус авто замыг хааж, хучилт хийх гэнэ.

Мөн суулт үүссэн хашлага болон инженерийн шугам сүлжээний худгийн тагийг асфальт бетон хучилтын түвшинд тааруулан засварлах юм.

Иймд дээрх хугацаанд иргэд, жолооч та бүхэн бусад замыг сонгон, замын хөдөлгөөнд оролцож, Хүрээ амаржих газар төрөлжсөн мэргэшлийн эмнэлгээр үйлчлүүлэх иргэд тусгай заасан түр орц, гарцаар зорчино уу.