Улаанбаатар хотын төв цэг болох Сүхбаатарын талбайгаас 2022 оны зургадугаар сард аялалд гарсан монгол гэр бүл зорьсондоо хүрчээ. Тэд нэг жилийн хугацаанд автомашинтайгаа Улаанбаатараас Сидней хот хүртэл гурван тив, хоёр далайг гатлан 16 улсаар дамжсан байна. Ингэхдээ 7600 километр замыг агаараар, 7400 километр замыг усаар, 55 мянган километр замыг хуурай замаар нийт 70 мянган километр замыг туулсан гэнэ. Ийнхүү нэгэн монгол гэр бүл 418 өдрийн дараа зорьсон зорилгодоо хүрчээ.

Улаанбаатар хотоос Австралийн Сидней хүртэл гурван тив дамжин 50 мянга гаруй километр замыг газраар туулан аялахаар өнгөрсөн оны зургадугаар сарын 26-нд Ш.Түвшинжаргалын гэр бүл Сүхбаатарын талбайгаас хөдөлсөн. Аялалд гарахад бага охин нь ой хоёр сартай байв.