Монголын мисс Б.Баттогтох Боливудын алдарт кино найруулагч Рааж Риххигийн “Vibrant Ladakh” баримтат кинонд тоглож байна. Уг баримтат кинонд дэлхийн 26 мисс бүсгүйчүүдийг урьсан аж. Монгол Улсаа төлөөлөн 2020 онд "Эх дэлхийн мисс" тэмцээнд оролцож байсан мисс Б.Баттогтох оролцож байна.

Энэхүү кино нь "Netflix", "Amazon" гэх мэт сайтуудаар цацагдах ба дэлхийн томоохон кино фестивалуудад оролцох гэнэ.

Мөн зураг авалтын үеэр мисс бүсгүйчүүд Гималайн нуруун дээр буюу дэлхийн хамгийн өндөрт байрлах зам дээр болох загварын шоунд Энэхэгийн загвар зохион бүтээгчдийн байгальд хор нөлөөгүй материалаар хийж бүтээсэн загваруудыг өмсч алхах гэнэ. Ингэснээрээ дэлхийн хамгийн өндөр цэгт зохион байгуулсан загварын шоу гэдгээр Гиннесийн номонд бичигдэх магадлалтай байгаа аж.

Мисс Б.Баттогтох өмнө нь “Miss grand international”, “Мiss supranational”, “Miss model of the world” гэх мэт тэмцээнүүдэд эх орноо төлөөлж, амжилттай оролцсон. Англи, хятад, итали хэлтэй. Биеийн өндөр 178 см.